Seðlabankinn hafi „beðið afhroð“

Þorsteinn Már Baldvinsson forstjóri Samherja og Kristján Vilhelmsson, framkvæmdastjóri útgerðarsviðs ...
Þorsteinn Már Baldvinsson forstjóri Samherja og Kristján Vilhelmsson, framkvæmdastjóri útgerðarsviðs fyrirtækisins. mbl.is/Skapti Hallgrímsson

„Með þessum dómi lýkur endanlega tæplega sjö ára aðför Seðlabankans á hendur Samherja. Öllum fullyrðingum og sökunum Seðlabankans á hendur Samherja og starfsfólki okkar hefur verið hnekkt og bankinn beðið afhroð,“ skrifa þeir Þorsteinn Már Baldvinsson og Kristján Vilhelmsson, stjórnendur Samherja, í tölvupósti til starfsmanna fyrirtækisins.

Þeir þakka starfsmönnum fyrir að hafa aldrei misst trúna á sig og það að þeir hafi lagt sig fram við að vinna störf sín í samræmi við lög og reglur.

Tölvupósturinn var sendur starfsmönnum eftir að Hæstiréttur staðfesti dóm Héraðsdóms Reykjavíkur frá því í apríl í fyrra um að felld skyldi úr gildi 15 milljóna stjórnvaldssekt sem Seðlabanki Íslands lagði á fyrirtækið fyrir brot á gjaldeyrislögum.

Þeir segja þakklæti til starfsmanna vera þeim efst í huga eftir að dómur Hæstaréttar féll og að það hafi verið „þungbært að sitja undir ásökunum jafn valdamikillar stofnunar og Seðlabanka Íslands.“

„Við unnum ásamt ykkur heiðarlega og samviskusamlega að rekstri okkar fyrirtækis á tímum sem eiga sér ekki hliðstæðu á Íslandi. Samstaða ykkar hjálpar okkur að halda áfram þegar að okkur er sótt,“ segja þeir Þorsteinn Már og Kristján.

mbl.is
Afurð Dags. Meðalverð
Þorskur, óslægður 20.1.19 283,17 kr/kg
Þorskur, slægður 20.1.19 334,28 kr/kg
Ýsa, óslægð 20.1.19 290,05 kr/kg
Ýsa, slægð 20.1.19 255,72 kr/kg
Ufsi, óslægður 20.1.19 102,44 kr/kg
Ufsi, slægður 20.1.19 137,72 kr/kg
Djúpkarfi 16.1.19 253,00 kr/kg
Gullkarfi 20.1.19 179,77 kr/kg
Litli karfi 24.10.18 17,00 kr/kg
Blálanga, óslægð 20.1.19 210,00 kr/kg

Fleiri tegundir »

20.1.19 Indriði Kristins BA-751 Lína
Langa 689 kg
Steinbítur 41 kg
Ufsi 30 kg
Hlýri 14 kg
Karfi / Gullkarfi 10 kg
Samtals 784 kg
20.1.19 Þorleifur EA-088 Þorskfisknet
Ufsi 4.031 kg
Þorskur 3.939 kg
Karfi / Gullkarfi 550 kg
Ýsa 95 kg
Samtals 8.615 kg
20.1.19 Sandfell SU-075 Lína
Þorskur 1.002 kg
Ýsa 722 kg
Steinbítur 263 kg
Keila 61 kg
Karfi / Gullkarfi 12 kg
Grálúða / Svarta spraka 4 kg
Samtals 2.064 kg

Skoða allar landanir »