Vildi láta kanna tengsl við Tortóla-félag

„Nafnið About Fish er það sama og fimm félög í ...
„Nafnið About Fish er það sama og fimm félög í eigu VSV báru fram á þetta ár,“ segir Magnús um félagið á Tortóla. mbl.is/Sigurður Bogi

Magnús Helgi Árnason héraðsdómslögmaður, sem sagði sig úr stjórn Vinnslustöðvarinnar fyrr í mánuðinum, segir ástæðu úrsagnar sinnar tengjast afstöðu annarra stjórnarmanna til tillögu hans þess efnis að stjórnin fæli endurskoðendum félagsins að kanna hvort Vinnslustöðin ætti í viðskiptum við fyrirtækið Gordon Trade and Management LLP (GTM) sem skráð er í Bretlandi.

Þetta segir Magnús í yfirlýsingu sem hann sendi Morgunblaðinu. Bendir hann á að af opinberum gögnum um GTM megi ráða að engir starfsmenn starfi fyrir fyrirtækið. Hagnaður þess sé þá umtalsverður til margra ára og að svo virðist sem fyrirtækið byggi afkomu sína á miðlun fiskafurða til Austur-Evrópu, sem alla jafna útheimti þó aðkomu starfsmanna.

Hann segir ástæðu þess að hann vildi að endurskoðendum yrði falið að kanna möguleg viðskipti félaganna vera þá að GTM sé, eða hafi verið, í eigu félagsins About Fish Ltd. sem skráð sé í skattaskjóli á eyjunni Tortóla.

„Nafnið About Fish er það sama og fimm félög í eigu VSV báru fram á þetta ár. Félagið About Fish ehf. er skráð í Vestmannaeyjum, félagið About Fish GmbH í Þýskalandi, About Fish B.V. í Hollandi, About Fish EURL í Frakklandi og loks er About Fish LDA skráð í Portúgal. Í samstæðureikningum VSV eru þessi About Fish-félög tilgreind“, segir í yfirlýsingu Magnúsar Helga í umfjöllun um deilumál þetta í ViðskiptaMogganum í dag.

Afurð Dags. Meðalverð
Þorskur, óslægður 12.12.18 348,19 kr/kg
Þorskur, slægður 12.12.18 389,26 kr/kg
Ýsa, óslægð 12.12.18 291,62 kr/kg
Ýsa, slægð 12.12.18 282,21 kr/kg
Ufsi, óslægður 11.12.18 123,57 kr/kg
Ufsi, slægður 12.12.18 110,03 kr/kg
Djúpkarfi 6.12.18 307,00 kr/kg
Gullkarfi 12.12.18 270,75 kr/kg
Litli karfi 24.10.18 17,00 kr/kg
Blálanga, óslægð 10.12.18 192,80 kr/kg

Fleiri tegundir »

13.12.18 Dögg SU-118 Lína
Þorskur 4.893 kg
Ýsa 2.570 kg
Keila 14 kg
Samtals 7.477 kg
13.12.18 Kristján HF-100 Lína
Þorskur 90 kg
Keila 48 kg
Karfi / Gullkarfi 2 kg
Samtals 140 kg
13.12.18 Hjalteyrin EA-306 Botnvarpa
Ufsi 394 kg
Karfi / Gullkarfi 274 kg
Samtals 668 kg
13.12.18 Einar Guðnason ÍS-303 Lína
Þorskur 1.874 kg
Langa 138 kg
Ýsa 101 kg
Keila 24 kg
Ufsi 10 kg
Karfi / Gullkarfi 10 kg
Samtals 2.157 kg

Skoða allar landanir »