„Láta ráðið ekki berja á sér lengur“

Kristján Loftsson hefur ekki áhyggjur af ákvörðun Japana og segir ...
Kristján Loftsson hefur ekki áhyggjur af ákvörðun Japana og segir hana löngu tímabæra. mbl.is/Ómar

„Þeir hefðu átt að vera búnir að þessu fyrir löngu,“ segir Kristján Loftsson, framkvæmdastjóri Hvals hf., um ákvörðun Japana um að segja sig úr Alþjóðahvalveiðiráðinu (IWC). Hann telur ekki að ákvörðunin muni hafa áhrif á hvalveiðar hér á landi.

Kristján segir sjaldgæft að Japanir segi sig úr alþjóðasamtökum og að nánast hafi verið talið vonlaust að þeir segðu sig úr hvalveiðiráðinu.

„En pólitíkin hefur tekið yfir. Þeir ætla ekki að láta ráðið berja á sér lengur,“ segir Kristján, en þrjá fjórðu atkvæða þarf til þess að breyta samþykktum ráðsins. Japanir hafa ítrekað reynt að fá samþykkt að Japanir fái að hefja hvalveiðar í atvinnuskyni, án árangurs.

Japanir hafa stundað hvalveiðar í vísindaskyni undanfarna áratugi.
Japanir hafa stundað hvalveiðar í vísindaskyni undanfarna áratugi. AFP

„Þessar vísindaveiðar sem þeir hafa stundað í Suður-Íshafi kosta svakalegar upphæðir. Þeir hafa verið að þessu í þrjátíu ár en ætla núna að veiða innan 200 mílnanna eins og Ísland gerir,“ segir Kristján.

Hafi ekki áhrif á útflutning íslensks hvalkjöts

Japan er eini markaðurinn fyrir íslenskt hvalkjöt, utan innanlandsmarkaðar, en Kristján telur ekki líklegt að ákvörðun Japana hafi áhrif á útflutning íslensks hvalkjöts. „Það er frjáls verslun með þetta og magnið sem þeir munu veiða tel ég ekki nein ósköp.“

Aðspurður hvort þetta muni hafa einhver áhrif á starfsemi Hvals hf. segir Kristján svo ekki vera. „Ég reikna ekki með því, allavega ekki við fyrstu sýn.“

mbl.is

Bloggað um fréttina

Afurð Dags. Meðalverð
Þorskur, óslægður 16.1.19 322,77 kr/kg
Þorskur, slægður 16.1.19 404,07 kr/kg
Ýsa, óslægð 16.1.19 310,91 kr/kg
Ýsa, slægð 16.1.19 291,94 kr/kg
Ufsi, óslægður 16.1.19 102,98 kr/kg
Ufsi, slægður 16.1.19 136,07 kr/kg
Djúpkarfi 16.1.19 253,00 kr/kg
Gullkarfi 16.1.19 320,89 kr/kg
Litli karfi 24.10.18 17,00 kr/kg
Blálanga, óslægð 15.1.19 100,00 kr/kg

Fleiri tegundir »

16.1.19 Afi ÍS-089 Landbeitt lína
Þorskur 1.485 kg
Ýsa 1.161 kg
Steinbítur 300 kg
Langa 10 kg
Karfi / Gullkarfi 5 kg
Skarkoli 4 kg
Samtals 2.965 kg
16.1.19 Fríða Dagmar ÍS-103 Lína
Ýsa 314 kg
Langa 236 kg
Steinbítur 92 kg
Þorskur 70 kg
Hlýri 46 kg
Ufsi 15 kg
Karfi / Gullkarfi 8 kg
Samtals 781 kg
16.1.19 Einar Guðnason ÍS-303 Lína
Þorskur 3.745 kg
Ýsa 2.447 kg
Steinbítur 471 kg
Karfi / Gullkarfi 23 kg
Langa 13 kg
Samtals 6.699 kg

Skoða allar landanir »