Allt of mikið ber á fordómum og palladómum í umræðunni um laxeldi. Þetta sagði Kristján Þór Júlíusson, sjávarútvegs- og landbúnaðarráðherra, er hann setti málþing atvinnuvega- og nýsköpunarráðuneytisins um áhættumat í laxeldi.

Málþingið fer fram í húsakynnum ráðuneytisins að Skúlagötu 4 og er mjög vel sótt.

Í nýju frumvarpi sem Kristján hefur lagt fram er kveðið á um að Haf­rann­sókna­stofn­un geri bind­andi til­lög­ur að áhættumati erfðablönd­un­ar en til­lög­urn­ar verði áður born­ar und­ir svokallaða sam­ráðsnefnd um fisk­eldi, til fag­legr­ar og fræðilegr­ar um­fjöll­un­ar. Sagði ráðherrann að þessi nýjung hefði hlotið mesta gagnrýni af því sem sett er fram í frumvarpinu.

„Ég er að gera tilraun til að setja upp leið til að þessir aðilar geti talað saman,“ sagði hann og átti þar við þá sem sett sig hafa á móti laxeldi í sjókvíum og þá sem stutt hafa slíkt eldi.

Ráðherrann tók að lokum fram að hann þyrfti að yfirgefa málþingið strax að lokinni setningu þess, þar sem boðað hefði verið til ríkisstjórnarfundar klukkan níu, eða á sama tíma og málþingið hófst. Hann hefði fengið heimild til að rækja skyldur sínar sem ráðherra með þessum hætti, en síðan þyrfti hann að fara.

„Ég bið ykkur að hafa skilning á því. Það er ýmislegt um að vera þessa stundina.“

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir

• Blogga um frétt