Fáir kaupendur á grásleppu hafa gefið upp verð fyrir vertíðina en örfáir dagar eru þar til vertíðin hefst. Grásleppuverkandinn Sverrir Björnsson ehf. á Siglufirði hefur þó riðið á vaðið en hann mun hafa gefið upp 260 krónur fyrir kílógrammið af óskorinni grásleppu 6. mars.

Þetta kemur fram á vef Landssambands smábátaeigenda og um leið bent á að verkandinn hafi einnig verið fyrstur til að gefa upp verð fyrir síðustu vertíð.

„Þetta er ánægjuleg þróun því heyrt hefur til undantekninga að legið hafi fyrir verð á grásleppu fyrir upphaf vertíða,“ segir á vef sambandsins, sem beinir því einnig til útgerða á svæðum þar sem vænta megi þorsks í einhverju magni sem meðafla, að kanna hvort kaupendur á grásleppu taki einnig á móti þorski úr grásleppunetum á föstu verði. 

Bjartsýni er sögð ríkja fyrir komandi vertíð en sambandið tekur fram að atvinnuvega- og nýsköpunarráðuneytið sé með í undirbúningi frumvarp um kvótasetningu á grásleppu. Gefið hafi verið út að afli á grásleppu 2019 telji ekki með í veiðireynslu, komi til kvótasetningar.

Tengdar fréttir

Smábátaveiðar

Ánægður með nýja Sigrúnu Björk ÞH

• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði
• Fordæma vinnubrögð og mótmæla tillögum

» Fleiri tengdar fréttir

Grásleppuveiðar

Fjölguðu veiðidögum í annað sinn um 15

• Fjölga veiðidögum á grásleppu í 40
• Ráðgjöf í grálseppu lækkar um 9% milli ára
• Verð á grásleppu hækkar á ný
• Verðhrun á mörkuðum veldur áhyggjum

» Fleiri tengdar fréttir

• Blogga um frétt