Frumskylda að tryggja stöðugleika

Kristján Þór Júlíusson sjávarútvegsráðherra.
Kristján Þór Júlíusson sjávarútvegsráðherra. mbl.is/Hanna Andrésdóttir

„Ég mun hér eftir sem hingað til leitast eftir uppbyggilegu samstarfi við þá sem starfa í íslenskum sjávarútvegi um það sameiginlega markmið okkar að treysta þann grunn enn frekar og geng ég bjartsýnn til þess verks.“

Þetta sagði Kristján Þór Júlíusson sjávarútvegsráðherra á ársfundi Samtaka fyrirtækja í sjávarútvegi (SFS) sem nú stendur yfir í tónlistar- og ráðstefnuhúsinu Hörpu í Reykjavík. Kristján sagði að eitt af stærstu verkefnum stjórnvalda væri að stuðla að einföldu og skilvirku regluverki. Margvísleg vinna stæði yfir sem miðaði að því. Meðal annars heildarendurskoðun á öllum eftirlitsreglum sem heyra undir atvinnuvega- og nýsköpunarráðuneytið sem væri í fullum gangi.

„Þá má nefna tillögur starfshóps um heildarendurskoðun á regluverki er varðar notkun veiðarfæra, veiðisvæði og verndunarsvæði á Íslandsmiðum en stærstur hluti tillagna hópsins snýst um að einfalda og skýra regluverk. Einn angi þessarar vinnu er að grisja reglugerðarskóginn og má nefna að núna er í samráðsgátt stjórnvalda að finna drög að reglugerðum sem fækka reglugerðum um alls 50.“

Enn fremur væri starfandi samráðshópur um bætt eftirlit með fiskveiðiauðlindinni sem Kristján sagðist binda miklar vonir við. „Verkefni hópsins beinast meðal annars að því að taka til athugunar og gera tillögur að úrbótum á sviði verklags og aðferða Fiskistofu varðandi vigtun sjávarafla og brottkast. Hvort nýta megi í ríkari mæli tækni við eftirlit. Yfirfara viðurlagaheimildir og fleira.“

„Það er frumskylda stjórnvalda að tryggja sem best stöðugleika í rekstrarumhverfi íslensks sjávarútvegs til lengri tíma og búa greininni samkeppnishæft starfsumhverfi. Tryggja að þau verði ekki undir í harðri alþjóðlegri samkeppni. Þar hefur gjaldtaka mikið vægi en ekki síður þarf að róa að því öllum árum að útflutningur á sjávarafurðum til Evrópusambandsins og annarra mikilvægra markaða verði sem greiðastur og að fullu tollfrjáls. Sú vinna stendur yfir.“

mbl.is
Afurð Dags. Meðalverð
Þorskur, óslægður 17.4.19 355,41 kr/kg
Þorskur, slægður 17.4.19 380,86 kr/kg
Ýsa, óslægð 17.4.19 354,23 kr/kg
Ýsa, slægð 17.4.19 291,79 kr/kg
Ufsi, óslægður 17.4.19 109,80 kr/kg
Ufsi, slægður 17.4.19 125,76 kr/kg
Djúpkarfi 9.4.19 224,97 kr/kg
Gullkarfi 17.4.19 208,01 kr/kg
Litli karfi 4.4.19 0,00 kr/kg
Blálanga, óslægð 12.4.19 10,00 kr/kg

Fleiri tegundir »

18.4.19 Sandfell SU-075 Lína
Steinbítur 2.907 kg
Þorskur 460 kg
Ýsa 23 kg
Keila 15 kg
Ufsi 10 kg
Samtals 3.415 kg
18.4.19 Kristín ÓF-049 Grásleppunet
Grásleppa 967 kg
Samtals 967 kg
18.4.19 Norðurljós NS-040 Grásleppunet
Grásleppa 1.709 kg
Þorskur 42 kg
Skarkoli 7 kg
Samtals 1.758 kg
18.4.19 Lágey ÞH-265 Grásleppunet
Grásleppa 3.182 kg
Þorskur 226 kg
Ufsi 46 kg
Samtals 3.454 kg

Skoða allar landanir »