Ísfélagið semur við Marel um nýjan búnað

Ísfélag Vestmannaeyja hefur skrifað undir samning við Marel um uppsetningu og kaup á FleXicut-vatnsskurðarvél og öðrum tengdum búnaði fyrir verksmiðju sína í Vestmannaeyjum.

Skrifað var undir samninginn á sjávarútvegssýningunni í Brussel í vikunni.

„Við hlökkum til að sjá þann ávinning sem þessi lausn mun færa okkur,“ segir Björn Brimar Hákonarson, framleiðslustjóri hjá Ísfélaginu. 

„Marel heldur áfram að nýta nýjustu tækni til hins ýtrasta til að leysa framleiðsluáskoranir betur og betur, og við erum spennt að sjá hverju þau munu finna upp á næst.“

• Blogga um frétt