Nefnd norskra stjórnvalda um framtíðarskipan eftirlits með fiskveiðum leggur til í skýrslu sinni að stofnuð verði sérstök lögregludeild fyrir brot er tengjast sjávarútvegi eða fiskveiðilögregla (n. fiskeripoliti) í þeim umdæmum sem sjávarútvegurinn er umfangsmikill. Er slíkt talið auka skilvirkni er varðar rannsókn brota á lögum um stjórnun fiskveiða í Noregi.

Nefndin leggur til í skýrslu sinni, sem telur 250 blaðsíður, að allar einingar sem sinna eftirliti með fiskveiðum verði færðar úr núverandi stofnunum og sameinaðar í eina eftirlitsstofnun. Jafnframt verði komið á skilvirku samstarfi eftirlitsaðila og landhelgisgæslunnar. Auk þess er lagt til að tvö embætti ríkissaksóknara taki að sér öll mál sem tengjast fiskveiðum og að sérhæft starfsfólk sinni þeim málum.

Frétt af mbl.is

Veikburða og óskilvirkt eftirlit

Jafnframt er talið nauðsynlegt að stofnaður verði formlegur samráðsvettvangur undir stjórn lögreglunnar þar sem norska matvælastofnunin, fiskistofa Noregs (n. Fiskeridirektoratet), tollayfirvöld, vigtunarstofnun Noregs, skattayfirvöld og norska landhelgisgæslan taka þátt.

Efla rafrænt eftirlit

Einnig er það tillaga nefndarinnar að gerð verður handbók um rannsókn mála af þessum toga og að heimildir verði veittar með lögum til þess að eftirlit- og rannsóknaraðilar geti skipst á upplýsingum.

Nefndin rekur ítarlega hvernig sé hægt að efla eftirlit með rafrænum hætti meðal annars við veiðar, vigtun og skráningu þeirra sem eru um borð á hverjum tíma.

Óskilvirkt skipulag

Í skýrslunni er bent á að gildandi fyrirkomulag skapi ákveðinn vanda við að tryggja nægilega þekkingu og mannskap til þess að sinna lögbrotum sem tengjast sjávarútvegi. Þá sé eftirlitshlutverkinu skipt milli margra smærri eininga meðal annars fiskmarkaða, norsku fiskistofunnar og landhelgisgæslunnar og er þeim skylt að kæra brot til lögregluyfirvalda.

Lögreglan á við sama vanda að glíma við þar sem rannsóknarhlutverkinu er dreift á mörg lögregluumdæmi og barist er um mannauð og fjárveitingar auk þess að sérhæfing starfsmanna er af skornum skammti hvað fiskveiðar varða.

Mögulegt skipulag norsku fiskveiðilögreglunnar úr skýrslu nefndarinnar. Skjáskot

Ákæruhlutverkið er skipt milli ríkissaksóknaraembættum í Rogaland annars vegar og Trom og Finnmark hins vegar, en hlutverk þeirra nær aðeins til hluta þeirra mála sem tengjast fiskveiðum. Þá ber efnahagsbrotadeild norsku lögreglunnar (n. Økokrim) faglega ábyrgð á rannsókn mála er tengjast veiðum, en sú deild hefur takmarkaða getu og þekkingu til þess að sinna málaflokknum að mati nefndarinnar.

Tengdar fréttir

Eftirlit með veiðum

Útgerðaraðili sviptur leyfi þrisvar á þremur árum

• Tilkynna drónaeftirlit í mars
• Þrír sviptir leyfi það sem af er ári
• Unnið að aukinni skilvirkni veiðieftirlitsins
• Boðar byltingu í drónaeftirliti Fiskistofu

» Fleiri tengdar fréttir

• 1 blogg um fréttina

Bloggað um fréttina

• Eyjólfur Jónsson: Legg til að leynilögga verð stofnuð!