Miður að forstjóri hafi reynt að sverta mannorð
Setja bókamerki
Þrír fyrrverandi sviðsstjórar hjá Hafrannsóknastofnun segja að greinargerð fyrrverandi mannauðsstjóra stofnunarinnar, þar sem hann sagði stofnunina ekki hafa komið heiðarlega fram vegna uppsagna starfsmanna, sé í samræmi við þeirra upplifun af atburðarásinni.
Fram kemur í tilkynningu að þeim þyki miður að Sigurður Guðjónsson, forstjóri stofnunarinnar, hafi reynt að sverta mannorð Sólmundar Más Jónssonar, fyrrverandi mannauðsstjóra, í kvöldfréttum RÚV í gær í stað þess að svara efnislega hvort í einhverju sé farið með rangt mál í greinargerðinni.
Tilkynningin í heild sinni:
„Greinagerð fyrrverandi mannauðsstjóra Hafrannsóknastofnunar, Sólmundar Más Jónssonar, þar sem hann fer yfir aðdraganda þess að 10 starfsmönnum Hafró var sagt upp þann 21. nóvember síðastliðinn hefur verið töluvert í umræðu fjölmiðla undanfarinn sólarhring.
Í kvöldfréttum ríkissjónvarpsins kl. 22 í gær, 12. desember vísar Sigurður Guðjónsson forstjóri stofnunarinnar þeim ásökunum sem fram koma í greinargerð Sólmundar á bug og af orðum hans má dæma að Sólmundur fari með ósannindi í lýsingu sinni á aðdraganda uppsagna starfsman[n]anna.
Við undirrituð sem öll vorum í framkvæmdastjórn Hafrannsóknastofnunar í aðdraganda uppsagnanna viljum að fram komi að lýsing Sólmundar er í samræmi við okkar upplifun af atburðarásinni.
Það er miður að forstjóri stofnunarinnar reyni að sverta mannorð Sólmundar með þeim hætti sem heyra mátti í kvöldfréttum RÚV í gær í stað þess að svara efnislega ef í einhverju er farið með rangt mál í þeirri greinargerð.
Reykjavík, 13. desember 2019.
Ásta Guðmundsdóttir, fyrrverandi sviðsstjóri Gagnagrunna og upplýsingatækni
Héðinn Valdimarsson, fyrrverandi sviðsstjóri Umhverfissviðs
Þorsteinn Sigurðsson, fyrrverandi sviðsstjóri Uppsjávarlífríkissviðs“
Gígbarmurinn hækkað frá því í gær
Hvorki sést áður hér á landi né annars staðar
Shakespeare fannst í skókassa
Skar höfuðleðrið af íslenskri konu
Bergnuminn í Hvalfirði
„Umsátursástand“
Frambjóðendur skila inn listum í Hörpu