Fram kemur að rekstrarniðurstaða Arnarlax í fyrra hafi verið jákvæð um 139 krónur á hvert framleitt kíló af laxi sem er talsverð breyting frá árinu 2018 þegar niðurstaðan var neikvæð um 161 krónu á hvert framleitt kíló, að því er fram kemur í tilkynningu til norsku kauphallarinnar vegna ársfjórðungsuppgjörs SalMar, stærsta hluthafa Arnarlax.

Þar segir að síðasti ársfjórðungur 2019 hafi verið jákvæður hjá Arnarlaxi meðal annars vegna bættrar nýtingu vinnslugetu í landi, en slátrun laxa jókst um 46% á árinu og er gert ráð fyrir að auka framleiðsluáætlun 2020 úr 10 þúsund tonnum í 12 þúsund tonn. Bent er á að enn þurfi að gera umbætur í virðiskeðjunni, sérstaklega hvað varðar flutningskostnað.

32,6 milljarða í arð

SalMar hefur ákveðið að greiða út arð sem nemur 21 norskri krónu á hlut eða rétt tæpum 2,4 milljörðum norskra króna, jafnvirði 32,6 milljarða íslenskra króna. Var rekstrarniðurstaða fyrirtækisins á fjórða ársfjórðungi 2019 jákvæð um 658,1 milljón norskra króna, jafnvirði tæplega níu milljarða íslenskra króna.

Þá telur SalMar að framboð á atlantshafslaxi á heimsvísu muni aukast um 4% á þessu ári en vegna aukinnar eftirspurnar muni haldast stöðugleiki á markaði og verð hátt. Verð féll nokkuð í byrjun ársins en hefur hækkað um 9,68% síðastliðna viku samkvæmt laxvísitölu Nasdaq.

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir

• Blogga um frétt