Áhyggjur áhafnar Múlabergs SI-22 af kórónuveirunni urðu til þess að starfsmaður Hafrannsóknastofnunar, sem nýverið kom heim úr leyfi á Tenerife og átti að fara með skipinu í togararall (rannsóknaveiði) í dag, verður í landi og annar starfsmaður stofnunarinnar fer í hans stað. Þetta staðfestir Ólafur Marteinsson, framkvæmdastjóri Ramma hf. á Siglufirði, í samtali við 200 mílur.

Ólafur segir starfsmann Hafrannasóknastofnunar sem var í fríi á Tenerife hafa fyrst um sinn tafist vegna sandstorms og seinna hafi áhöfn Múlabergs lýst áhyggjum af kórónuveirunni. Ákvað hann í kjölfarið að hafa samband við stofnunina og spyrja hvort hægt væri að koma til móts við óskir áhafnarinnar.

„Það var ákvörðun Hafrannsóknastofnunar að vera ekki að ýta undir einhverja óttatilfinningu hjá áhöfninni og skipta um mann. Ég er voða þakklátur fyrir það,“ segir Ólafur sem kveðst finna fyrir vaxandi ótta víða vegna útbreiðslu veirunnar.

Frétt af mbl.is

Fjórir vildu leigja skip í togararallið

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt