Sjómennirnir á Aþenu ÞH 505 frá Húsavík voru að gera klárt fyrir grásleppuna í vikunni en áttu þó ekki von á því að leggja netin alveg á næstu dögum. Þar hafði veðurspáin meiri áhrif heldur en kórónuveiran.

Stefán Guðmundsson, eigandi Gentle Giants á Húsavík, gerir Aþenu út til grásleppuveiða og ferðaþjónustu þess utan. Báturinn er nýkominn úr mikilli klössun í Trefjum í Hafnarfirði þar sem m.a. var skipt um vél.

Grásleppuveiðar máttu hefjast 10. mars, sem er tíu dögum fyrr en venjulega. Þær upplýsingar fengust hjá Landssambandi smábátaeigenda í gær að tólf bátar hefðu þegar landað afla og hefðu fengið 1,5 tonn að meðaltali í róðri. Einkum eru það bátar á Eyjafjarðarsvæðinu og á svæði sunnan Langaness sem eru byrjaðir veiðar. Alls hafa 22 bátar virkjað leyfi til að hefja veiðar, að því er fram kemur í Morgunblaðinu í dag.

Tengdar fréttir

Grásleppuveiðar

Fjölguðu veiðidögum í annað sinn um 15

• Fjölga veiðidögum á grásleppu í 40
• Ráðgjöf í grálseppu lækkar um 9% milli ára
• Verð á grásleppu hækkar á ný
• Verðhrun á mörkuðum veldur áhyggjum

» Fleiri tengdar fréttir