Þrír skipverjar mikið veikir
Setja bókamerki
Alls voru 17 af 20 skipverjum úr Hrafni Sveinbjarnarsyni GK-255 veikir og þrír mikið veikir þegar togarinn lagði að bryggju í Vestmannaeyjum í gærkvöldi.
Þetta kemur fram í facebookfærslu lögreglunnar í Vestmannaeyjum.
„Hafnarsvæðinu var lokað fyrir almenningi og fóru heilbrigðisstarfsmenn um borð þegar skipið hafði lagst að bryggju um ellefuleytið en forgangsmál var að sinna sjúklingunum,“ segir í færslunni.
Sýni vegna gruns um kórónuveirusmit voru tekin úr sjö skipverjum. Fjórir voru færðir í land og var komið fyrir í farsóttarhúsi vegna veikinda.
Aðrir skipverjar eru um borð í skipinu í svokallaðri biðkví á meðan málið er til rannsóknar og fer enginn frá borði fyrr en niðurstaða liggur fyrir.
„Ekki hefur verið staðfest að veikindin stafi af smiti vegna kórónaveirunnar heldur er um varúðarráðstöfun að ræða vegna útbreiðslu hennar. Þegar niðurstaða vegna rannsóknar sýnanna liggur fyrir verða frekari ákvarðanir teknar. Skipverjarnir hafa greiðan aðgang að læknum heilsugæslunnar og er vel sinnt,“ segir í færslu lögreglunnar.
„Umsátursástand“
Skar höfuðleðrið af íslenskri konu
Kostnaður meiri en milljón á fermetra
„Hvílir mikil leynd yfir þessu öllu“
Sex hafa greinst með listeríu
Telur forsendur fyrir vaxtalækkun
„Höfum ekki náð að skríða upp úr þeirri gryfju“