Hjá Þórshafnarbátum hafa grásleppuveiðar heldur verið að glæðast eftir lélega byrjun. Síðustu daga hefur verið ágæt veiði og veðrið skaplegt, fjórir bátar eru byrjaðir og sá fimmti væntanlegur en hann er að ljúka handfæraveiðum. 

Tveir bátar hafa verið á handfærum en veiðin slök. „Það er svo mikið æti í hafinu að fiskurinn bítur ekki á, hann liggur í loðnunni og belgir sig út,“ sagði Jóhann Ægir Halldórsson sem segir töluvert af loðnu á þessum slóðum. Hann er að hætta handfæraveiðum og byrja grásleppuveiðar. Hjá Geir ÞH stendur yfir árlegt netarall Hafró og ágæt veiði hefur verið í þorskanet.

Hjá Ísfélagi Vestmannaeyja hefur verið nokkuð samfelld vinna í bolfiski og nú bætist grásleppan við. Veðurspá næstu daga er smábátum óhagstæð og eru Þórshafnarbátarnir að taka upp vegna brælunnar sem er fram undan.

Tengdar fréttir

Grásleppuveiðar

Fjölguðu veiðidögum í annað sinn um 15

• Fjölga veiðidögum á grásleppu í 40
• Ráðgjöf í grálseppu lækkar um 9% milli ára
• Verð á grásleppu hækkar á ný
• Verðhrun á mörkuðum veldur áhyggjum

» Fleiri tengdar fréttir

• Blogga um frétt