Vilja koma á laggirnar fiskeldisnámi
Setja bókamerki
Lagt er til að komið verði á laggirnar námi í fiskeldi með samfellu í námi frá framhaldsskóla í háskóla í nýrri skýrslu sem Háskólinn á Akureyri vann fyrir atvinnuvega- og nýsköpunarráðuneytið sem afhent hefur verið sjávarútvegs- og landbúnaðarráðherra, að því er segir í tilkynningu á vef Stjórnarráðsins.
Fram kemur að ráðuneytið hafi óskað eftir því að unnin yrði óháð úttekt á námi í fiskeldi á Íslandi, gerður yrði samanburður við nám á þessu sviði í nágrannalöndum Íslands og lagðar fram tillögur um hvað þyrfti að gera til að geta boðið fram nám af þessari tegund.
Í skýrslunni er einnig að finna tillögur um að auka megi nám í fiskeldi bæði á framhalds- og háskólastigi til að koma til móts við atvinnulífið með auknu og endurbættu námsframboði. „Þar á meðal er tekið fram að mikilvægt er að framhaldsskólar þrói og auki framboð á námi fyrir starfsmenn í fiskeldi. Lagt er til að ráðinn verði verkefnastjóri vegna náms í fiskeldi á framhalds- og háskólastigi og að verkefni hans væru m.a. að leiða starfshóp við útfærslu námskrár og áfangalýsinga svo og frekara skipulags námsins. Einnig er lagt til að skipað verði fagráð um nám í fiskeldi á Íslandi,“ segir í tilkynningunni.
Háþróaður iðnaður
„Fiskeldi er tæknilega háþróaður iðnaður sem byggir á líffræðilegri framleiðslu sem krefst vel hannaðra ferla og gerir kröfu um gæði afurða. Í námi til fiskeldis þarf einnig að leggja áherslu á að veita innsýn í hlutverk greinarinnar í samfélaginu og hlutverk aðþjóðlegra matvælaframleiðenda,“ segir í skýrslunni.
Þá telja höfundar mikilvægt að efla starfsþjálfun auk bóknáms á sviði líffræði, líftækni, heilbrigði dýra, tækni, sjómennsku og lögfræði starfsseminnar auk ýmissa viðskiptatengdra greina.
Gígbarmurinn hækkað frá því í gær
Frambjóðendur skila inn listum í Hörpu
Væri að ljúga ef ég segðist ekki stressaður
Sex hafa greinst með listeríu
„Umsátursástand“
/frimg/1/29/32/1293273.jpg)
Ekki af baki dottinn og ætlar að opna B5 aftur
Bergnuminn í Hvalfirði