Stærsti framleiðandi atlantshafslax, norska eldisfyrirtækið Mowi, hefur gengið til samninga við Skagann 3X um uppsetningu á SUB-CHILLING-kælikerfi í nýrri verksmiðju félagsins á Herøy í Noregi, að því fram kemur í fréttatilkynningum frá Skaganum 3X. Virði samningsins er 220 milljónir króna.

Um er að ræða annan samning Skagans 3X á skömmum tíma, en fyrirtækið gerði nýverið samning við Morrisons í Bretlandi um uppsetningu á kælikerfi af þessari gerð. Nam virði þess samnings um 300 milljónum króna.

Frétt af mbl.is

Landa milljónasamningi í Bretlandi

„Við erum stolt af því að eiga Mowi sem viðskiptavin og hlökkum til að takast á við þetta verkefni. Þetta kemur til með að verða stærsta laxaverksmiðjan sem mun nota þessa kælitækni, en við höfum einkaleyfi á henni,“ segir Magni Veturliðason, framkvæmdastjóri Skagans 3X AS í Noregi.

Fram kemur í tilkynningunni að umfangsmikil rannsóknar- og þróunarvinna liggur að baki nýrri kælitækni Skagans 3X og fékkst einkaleyfi á henni árið 2019. Með þessari tækni má kæla fisk niður í -1,2 °C án þess að nota ís. Fiskurinn sjálfur er nýttur sem kælimiðill og hann helst undir frostmarki lengur en með ískælingu. Þetta er sagt skila betri gæðum til neytenda og bætir allt að 7 dögum við geymsluþol vörunnar.

Tengdar fréttir

Nýsköpun og tækni í sjávarútvegi

Hugmyndafræði Sjávarklasans víða eftirsótt

• Rétt hugarfar hafi átt áhrif á heimsvísu
• Árangur Íslands skólabókardæmi um fullnýtingu
• Vinnslur gætu framleitt eigin sótthreinsiefni úr sjó
• Sjávarútvegurinn er drifinn áfram af gögnum

» Fleiri tengdar fréttir

• Blogga um frétt