Íslenska iðnfyrirtækið Naust Marine hefur gert samning við útgerðina RK Lenina í Rússlandi um að koma fyrir töluverðum búnaði á dekki nýs verksmiðjutogara fyrirtækisins sem mun bera nafnið Lenin. Um er að ræða meðal annars 50 vindur, stýribúnað, krana og fleira.

Togarinn er hannaður af finnska fyrirtækinu Wärtsila og verður smíðaður af rússneskri skipasmíðastöð í Kaliningrad, en afhending er áætluð 2023.

Lenin mun vera 121 metri að lengd og 21 metri að breidd með 5.000 rúmmetra lest. Togarinn er af slíkri stærðargráðu að hann getur helst flokkast sem fljótandi fiskiðjuver og mun bæði veiða sjálfur með eigin tvítrolli og taka um borð afla frá öðrum skipum til vinnslu.

Bjarni Þór Gunnlaugsson, framkvæmdastjóri Naust Marine, segir samninginn mikla viðurkenningu og tákn um sterka stöðu fyrirtækisins í Rússlandi.

Nú stefnir jafnframt í að fyrirtækið selji búnað í fjóra nýja togara fyrir rússnesku útgerðina Norebo, til viðbótar við þá sex sem þegar eru samningar um, að því er fram kemur í umfjöllun um mál þetta í Morgunblaðinu í dag.

Tengdar fréttir

Nýsköpun og tækni í sjávarútvegi

Hugmyndafræði Sjávarklasans víða eftirsótt

• Rétt hugarfar hafi átt áhrif á heimsvísu
• Árangur Íslands skólabókardæmi um fullnýtingu
• Vinnslur gætu framleitt eigin sótthreinsiefni úr sjó
• Sjávarútvegurinn er drifinn áfram af gögnum

» Fleiri tengdar fréttir