Markaðsvirði Brims hf. hefur hækkað gífurlega það sem af er ári samkvæmt skráningu kauphallarinnar. Þar er skráð verð á hvern hlut 48,65 krónur og er því heildarverðmæti fyrirtækisins 95,1 milljarður króna miðað við að tæplega tveir milljarðar hluta eru í félaginu.

Í upphafi árs var virði bréfs í Brim 39,55 krónur sem þýðir að markaðsvirði fyrirtækisins var 77,3 milljarðar króna og að verð á hvern hlut hafi hækkað um 9,1 krónu á árinu. Skráð markaðsvirði Brims er því nú um 17,8 milljarða meira en í upphafi árs og nemur hækkunin 23%.

Frétt af mbl.is

Brim hagnaðist um 3,5 milljarða á níu mánuðum

Síðasta hækkun bréfanna var nokkur en hún kom í kjölfar þess að níu mánaða uppgjör félagsins var birt. Fram kom að Brim hagnaðist um 3,5 milljarða á fyrstu níu mánuðum ársins. Þá voru rekstrartekjur 34,7 milljarðar króna og var það 25% aukning frá sama tímabili í fyrra. Eigið fé fyrirtækisins jókst jafnframt um 4% milli ára og var 54 milljarðar króna við lok þriðja ársfjórðungs.

Enn ekki ráðinn nýr forstjóri

Stærsti hluthafi í Brim hf. er Útgerðarfélag Reykjavíkur sem fer með 33,92% hlut, en það félag er í eigu Guðmundar Kristjánssonar sem einnig á hluti í gegnum ER-13 ehf. Samanlagt fer því Guðmundur með 43,97% hlut í félaginu.

Næst stærsti hluthafinn er Lífeyrissjóður starfsmanna ríkisins sem í gegnum tvær deildir fer með 16,54% hlut og er þriðji stærsti hluthafinn Lífeyrissjóður verslunarmanna sem fer með 10,69%. Þá fer KG-Fiskverkun ehf. með 6,88% hlut en það félag er í eigu Hjálmars Kristjánssonar sem er bróðir Guðmundar. Aðrir hluthafar eiga innan við 3% hlut í félaginu.

Að því sem 200 mílur komast næst hefur enn ekki verið ráðinn nýr forstjóri Brims en Guðmundur, sem situr í stjórn félagsins, tilkynnti að hann myndi láta af störfum 30. apríl. Kristján Þ. Davíðsson stjórnarformaður hefur verið starfandi forstjóri síðan.

Frétt af mbl.is

„Nú hefst vinna við að finna nýjan forstjóra“

Tengdar fréttir

Brim

Brim fjárfesir í vistvænum krapavélum

• Stjórn Brims helst óbreytt
• Hagnaður Brims dróst saman um 20%
• Brim seldi nýkeypt skip vegna veiðibanns
• 3,8 milljarða hagnaður á þriðja ársfjórðungi

» Fleiri tengdar fréttir

• Blogga um frétt