76% sóttu ekki um uppfærslu skipstjórnarréttinda

Flestir handhafar skipstjórnarréttinda á 12 metra báta og styttri hafa …
Flestir handhafar skipstjórnarréttinda á 12 metra báta og styttri hafa ekki óskað eftir því að uppfæra réttindi sín í 15 metra og styttri. mbl.is/Hafþór Hreiðarsson

Aðeins 212 af 882 handhöfum skipstjórnarréttinda fyrir báta 12 metra og styttri sóttu um að uppfæra réttindi sín í báta sem eru 15 metra og styttri, en frestur til þess rann út 1. janúar. Það voru því tæplega 76%, eða 670, sem ekki sóttu um uppfærsluna en halda áfram réttindum sínum óbreyttum.

Auk þess hafa 92 handhafar 30 brúttórúmlesta skipstjórnarréttindi fengið uppfært réttindi í 15 metra. Samtals hafa því um 322 skipstjórnarskírteini á 15 metra og styttri verið gefin út, en Samgöngustofa á eftir að fara yfir hluta umsókna sem bárust síðustu dagana fyrir áramót.

Þetta er meðal þess sem fram kemur í svari Samgöngustofu við fyrirspurn 200 mílna vegna nýrra ákvæða um mönnun fiskiskipa sem tók gildi 1. september, en frestur til að uppfæra réttindi rann út um áramót. „Úrvinnsla vegna þessara breytinga er langt komin og lýkur væntanlega nú í janúar,“ segir í svarinu.

mbl.is/​Hari

Telur Samgöngustofa að þeir 670 handhafar skipstjórnarréttinda á 12 metra báta eða styttri sem ekki sóttu um uppfærslu réttinda hafa ekki gert það vegna þess að þeir hafa „ekki uppfyllt skilyrði eða ekki haft áhuga eða þörf á slíkri uppfærslu.“ Öll von er þó ekki úti þar sem unnið er að því að móta viðbótarnám fyrir þessa aðila þannig að þeir geta að náminu loknu sótt um að uppfæra réttindi sín.

Pungaprófið sjálfkrafa uppfært

Með gildistöku reglugerðar nr. 944/2020 frá 14. september var hætt að gefa út 30 brúttórúmlesta skipstjórnarréttindi og fá þeir sem eru handhafar slíkra réttinda (gamla pungaprófið) að halda þeim en þurfa að endurnýja skírteini sín að gildistíma liðnum og fá þá sjálfkrafa skipstjórnarskírteini fyrir 15 metra báta eða minni.

Þann 1. janúar 2021 voru 1.782 einstaklingar með gild skipstjórnarréttindi fyrir 30 rúmlesta skip og minni, segir í svari Samgöngustofu. „Þessir einstaklingar þurftu ekki að uppfæra atvinnuskírteini sín, en áletrun þeirra breytist þegar þau koma til endurnýjunar á næstu árum og heyra þau sögunni til í síðasta lagi árið 2030.“

875 vélaverðir

Fram kemur í svari Samgöngustofu að þeir sem hafa lokið skipstjórnarnámi fyrir báta sem eru 12 metrar að lengd eða minni og hafa átta mánaða starfsreynslu en hafa ekki sótt um skipstjórnarskírteini geta gert það fyrir 1. janúar 2023 eða sótt sér viðbótarnám til aukinna skipstjórnarréttinda.

Breytingarnar sem tóku gildi 1. september ná einnig til 875 smáskipavélavarða og verða réttindi þeirra sjálfkrafa uppfærð úr 12 metrum og styttri og 750kW í 15 metra og 750kW við endurnýjun skírteina hjá Samgöngustofu. „Lögskráningarkerfi sjómanna var breytt þannig að handhafar þessara skírteina fást lögskráðir á fiskiskip og önnur skip sem eru <15 metrar og <750 kW.“

mbl.is
Afurð Dags. Meðalverð
Þorskur, óslægður 2.3.21 308,75 kr/kg
Þorskur, slægður 2.3.21 347,58 kr/kg
Ýsa, óslægð 2.3.21 315,98 kr/kg
Ýsa, slægð 2.3.21 257,50 kr/kg
Ufsi, óslægður 2.3.21 177,60 kr/kg
Ufsi, slægður 2.3.21 180,75 kr/kg
Djúpkarfi 16.2.21 189,00 kr/kg
Gullkarfi 2.3.21 272,16 kr/kg
Litli karfi 26.2.21 10,00 kr/kg
Blálanga, óslægð 17.2.21 279,00 kr/kg

Fleiri tegundir »

2.3.21 Sæli BA-333 Lína
Langa 261 kg
Gullkarfi 46 kg
Þorskur 14 kg
Samtals 321 kg
2.3.21 Fríða Dagmar ÍS-103 Lína
Ýsa 994 kg
Hlýri 607 kg
Keila 247 kg
Gullkarfi 144 kg
Langa 128 kg
Steinbítur 109 kg
Þorskur 33 kg
Samtals 2.262 kg
2.3.21 Einar Hálfdáns ÍS-011 Landbeitt lína
Þorskur 224 kg
Ýsa 52 kg
Skarkoli 5 kg
Samtals 281 kg

Skoða allar landanir »

Afurð Dags. Meðalverð
Þorskur, óslægður 2.3.21 308,75 kr/kg
Þorskur, slægður 2.3.21 347,58 kr/kg
Ýsa, óslægð 2.3.21 315,98 kr/kg
Ýsa, slægð 2.3.21 257,50 kr/kg
Ufsi, óslægður 2.3.21 177,60 kr/kg
Ufsi, slægður 2.3.21 180,75 kr/kg
Djúpkarfi 16.2.21 189,00 kr/kg
Gullkarfi 2.3.21 272,16 kr/kg
Litli karfi 26.2.21 10,00 kr/kg
Blálanga, óslægð 17.2.21 279,00 kr/kg

Fleiri tegundir »

2.3.21 Sæli BA-333 Lína
Langa 261 kg
Gullkarfi 46 kg
Þorskur 14 kg
Samtals 321 kg
2.3.21 Fríða Dagmar ÍS-103 Lína
Ýsa 994 kg
Hlýri 607 kg
Keila 247 kg
Gullkarfi 144 kg
Langa 128 kg
Steinbítur 109 kg
Þorskur 33 kg
Samtals 2.262 kg
2.3.21 Einar Hálfdáns ÍS-011 Landbeitt lína
Þorskur 224 kg
Ýsa 52 kg
Skarkoli 5 kg
Samtals 281 kg

Skoða allar landanir »