Engir Íslendingar ákærðir í Namibíu
Setja bókamerki
Alls eru tíu einstaklingar ákærðir í Namibíu í tengslum við ólögleg viðskipti með veiðiheimildir þar í landi. Ákæruliðirnir eru 42 en málið nær til 18 lögaðila. Málið (Fishrot) hefur verið kennt við starfsemi Samherja sem Samherjamálið en engir íslenskir ríkisborgarar né félög sem sem tengjast fyrirtækinu eru á meðal sakborninga í málinu.
Fram kemur í umfjöllun Namibian að sakborningar eru sakaðir um fjársvik, mútugreiðslur, spillingu, fjárkúgun, peningaþvætti og skattsvik. Þingsetning fór fram í síðustu viku en dómarinn Christine Liebenberg hefur ákveðið að gefa ákærðu frest til 20. janúar að undirbúa málsvörn.
Ákæruvaldið fullyrðir að ákærðu hafi átt samráð og átt í samstarfi um að hagnast fjárhagslega á úthlutun veiðiheimilda til dótturfélags Samherja. Er því meðal annars haldið fram að afnotagjöld af kvóta sem íslenska fyrirtækið greiddi hafi ratað til þeirra ákærðu auk fyrirtækja og sjóða sem þeir eru í forsvari fyrir. Opinberlega var veiðiheimildunum sem Samherji hafði fengið verið úthlutað í samræmi við „markmið hins opinbera í þágu almennings“.
Engar ákærur
Kjarninn greinir frá því í dag að í ákæruskjali – sem miðillinn hefur undir höndum – er ekki að finna íslenska ríkisborgara eða félög í Namibíu sem þeir stýrðu fyrir Samherja. Saksóknari lýsti því í febrúar að Íslendingar kynnu að verða ákærðir en ekki virðist hafa orðið úr því.
Forstöðumenn Samherja hafa ítrekað lýst þeirri afstöðu sinni að hvorki Samherji, félög á þeirra vegum eða starfsmenn fyrirtækisins hafi framið nokkur refsiverð brot nema þau sem Jóhannes Stefánsson, fyrrverandi starfsmaður Samherja í Namibíu, hefur sjálfur sagt frá.
„Umsátursástand“
„Það þarf að vinna mikinn fjölda upp“
Eyjafjarðarbraut lokað vegna alvarlegs umferðarslyss
Kostnaður meiri en milljón á fermetra
Telur forsendur fyrir vaxtalækkun
Shakespeare fannst í skókassa
„Hvílir mikil leynd yfir þessu öllu“