Fyrsta rafræna öryggis- og þjálfunarhandbókin fyrir íslenskt fiskiskip var virkjuð á dögunum og var það um borð Vilhelmi Þorsteinssyni EA, uppsjávarskipi Samherja. Talið er að þeir kostir sem fylgja rafrænum handbókum er fyrst og fremst að hún uppfærist reglulega í andstöðu við prentaðar bækur.

„Bókin hefur verið sett upp á iPad, öryggisstjóri skipsins getur þá tekið iPadinn með sér í nýliðafræðsluna, æfingarnar, skoðað áhættugátlista og verklagsreglur á vettvangi og fyllt inn í gátlistana samhliða og vistað á öryggisdrif skipsins. Þannig verður öll vinnan í tengslum við öryggi skilvirkari og betri og við náum að halda betur utan um lögbundnu æfingarnar sem og þá vinnu vegna öryggis sem áhöfnin þarf að sinna um borð,“ útskýrir Jóhann G. Sævarsson, öryggisstjóri Samherja, í færslu á vef útgerðarinnar.

„Ég lít á þessa bók sem góða og mikilvæga fjárfestingu til framtíðar, sem staðfestir einnig vel framsýni og velvilja eigendanna sem og allra til öryggismála. Bókin mun sannarlega senda sterk og mikilvæg skilaboð til allra og mun án efa efla enn frekar þá sterku öryggismenningu sem hefur verið að byggjast upp innan fyrirtækisins síðustu árin,“ segir hann.

Vilhelm Þorsteinsson EA. Ljósmynd/Síldarvinnslan

Betur fylgst með ferlum

Gæðastjóri Útgerðarfélags Akureyringa, Sunneva Ósk Guðmundsdóttir, segir í færslunni mikil tækifæri felast í notkun rafrænnar gæðahandbókar og að spjaldtölvan sem hún telur einnig nýtast vel til að halda utan um gæðamál skipsins.

„Kaupendur okkar eru kröfuharðir og því mun rafrænn aðgangur að skjölum auðvelda gæðavinnuna og gera hana skilvirkari og samhliða gefa okkur sem eru í landi tækifæri til að fylgjast enn betur með öllum ferlum. Slíkt styrkir og eflir gæðamálin til muna,“ segir hún.

Sunneva Ósk Guðmundsdóttir, gæðastjóri ÚA. mbl.is/Margrét Þóra Þórsdóttir

„Með því að hafa öryggishandbókina á rafrænu formi getur hver og einn skipverji haft sitt eintak í snjalltæki sínu og því hæg heimatökin að nota frítíma til að auka þekkingu sína á persónulegum öryggismálum og vinnuöryggi um borð. Slíkar bækur ættu að vera um borð í hverju fiskiskipi yfir 15 metrum og því má með sanni segja að þessi fyrsta rafræna öryggishandbók sé góð fyrirmynd fyrir íslenska skipaflotann,“ segir Hilmar Snorrason skólastjóri Slysavarnarskóla sjómanna.

Tengdar fréttir

Öryggi sjófarenda

Kalla þyrfti til erlent viðbragð

• Hafa þrjá mánuði til að bregðast við
• Siglingatækni Hefring í nýju björgunarskipin
• „Bjartsýnn á að allir leggist á eitt“
• Endurnýjun björgunarskipaflotans ekki örugg

» Fleiri tengdar fréttir

Samherji

Mikilvægt að treysta viðskiptasamböndin

• Söfnuðu mottum og hálfri milljón
• Fengu allir sokka í tilefni mottumars
• Kaldbakur fékk yfirhalningu á Akureyri
• SKE rannsakar Samherja og Síldarvinnsluna

» Fleiri tengdar fréttir

• Blogga um frétt