Samherji opnar dyrnar á Dalvík
Setja bókamerki
Samherji hefur ákveðið í tilefni sumardagsins fyrsta að opna frystihús sitt á Dalvík fyrir almenningi á morgun. Kostnaðurinn við 9.000 fermetra frystihúsið nam rúma sex milljarða króna og var kostnaðurinn við tækjabúnaðinn um helmingur þessarar upphæðar, en framleiðslan er að miklu leiti sjálfvirknivædd og telst meðal tæknivæddustu vinnslulína í heimi.
Síðast fékk almenningur að skoða frystihúsið fiskidaginn mikla 2019 en þá var það óklárað. Húsnæðið var tekið í notkun 13. ágúst 2020 og hafði verið fjögur ár í smíðum, en ekki var hægt að sýna húsið vegna fjöldatakmarkanna sem fylgdu covid-19 faraldrinum. Breyting hefur sem betur fer orðið í þeim efnum og verður opið hús milli níu að morgni til eitt síðdegis á morgun.
/frimg/1/22/35/1223516.jpg)
Eitt af því merkilega sem hægt er að sjá í frystihúsinu er róbótinn Villi Hlaup, nefndur í höfuðið á starfsmanni Samherja um árabil sem hafði sérstakan áhuga á frjálsum íþróttum. Þá má einnig sjá fullkomnar vinnslulínur og gjörbreytta vinnuaðstöðu starfsmanna.
Nýja frystihúsið er ekki það eina sem almenningur fékk að skoða en 9. apríl var opnað fyrir almenning að stíga um borð í nýtt uppsjávarskip Samherja, Vilhelm Þorsteinsson EA-11, og mættu um þúsund manns.
„Sjá barn fæðast“
„Þetta er eins og að sjá barn fæðast og byrja að ganga,“ sagði Gestur Geirsson, framkvæmdastjóri landvinnslu Samherja, og hló þegar Morgunblaðið ræddi við hann um gangsetningu vinnslunnar 2020. Spurður hvort þetta hafi verið erfið meðganga svaraði hann að hún hafi ekki endilega verið erfið en löng. „Þetta var ákveðinn léttir þegar maður sá þetta fara í gang og þetta snerist. Maður fékk að sjá hugmyndir sem voru á blaði verða að raunveruleika. Maður var alveg svolítið stressaður.“
Hann sagði einnig stóran hlut í hönnun hússins vera að bæta vinnuumhverfi starfsmanna. „Það var verið að fara úr 70 ára gömlu húsi á fleiri hæðum og ákveðið að leggja mikið upp úr því að gera aðbúnað starfsfólksins eins og best verður á kosið. Betri en þekkist víðast hvar annars staðar í matvælavinnslu í heiminum.“
Fundnar voru ýmsar frumlegar lausnir til að bæta afköst, nákvæmni og hagkvæmni. Mikill sveigjanleiki er í vinnslulínunum sem geta framleitt gríðarlegt magn eftir nákvæmum pöntunum.
Þá stóð til að nota sjó til að taka við umfram varma sem skapast í frystihúsinu, en í byggingarferlinu var fundin leið til að nýta bæjarlækinn. Gríðarleg endurnýtingarkrafa er sett á varma frá frystikerfinu og hann er nýttur til upphitunar á öllum öðrum rýmum hússins, en það er alltaf ákveðið hlutfall sem þarf að kasta út.
Eldra húsið til sölu
Gamla frystihús Samherja við Hafnarbraut á Dalvík var sett á sölu í vetur en ekki er ásett verð. Um er að ræða 5.266 fermetra húsnæði á 10.139 fermetra lóð og nemur fasteignamatið rúmlega 475 milljónum króna og brunabótamatið um 1.600 milljónum.
Húsnæðið á sér langa sögu og er skráð byggingarár karageymslunnar 1948 og frytsihússins 1949. Vélarsalurinn var byggður 1971 og skrifstofurnar 1972, en pökkunarstöðin er yngstu hlutinn og var reistur 1999.
/frimg/1/48/74/1487454.jpg)
Heldur inn í nóttina tuttugu kílóum léttari
Bergnuminn í Hvalfirði
Telur forsendur fyrir vaxtalækkun
Hvorki sést áður hér á landi né annars staðar
Skiptir miklu meira máli en fólk grunar
Væri að ljúga ef ég segðist ekki stressaður
Vonast til að tjaldbúðir við HÍ standi áfram
Banna mengandi búnað sem leyfður er á Íslandi