Bréf Brims hækkað um 47 milljarða á 3 mánuðum
Setja bókamerki
Brim er nú verðmætasta sjávarútvegsfyrirtækið í kauphöllinni á ný og var markaðsvirði bréfa félagsins 193,6 milljarðar við lokun markaða í gær. Markaðsviðir bréfanna hefur hækkað um tæplega 47 milljarða frá 24. janúar. Þá hafa verðmæti hlutabréfa Síldarvinnslunnar hækkað um 5,4% í 175,9 milljarða á sama þriggja mánaða tímabili.
Fyrir þremur mánuðum var markaðsvirði bréfa Síldarvinnslunnar 20 milljörðum meira en Brims sem þá var var 146,7 milljarðar. Síldarvinnslan var skráð í kauphöllina í fyrra og hefur gengi bréfa hækkað töluvert síðan þá en í kringum innrás Rússlands í Úkraínu í febrúar féll gengið nokkuð, en Úkraína hefur verið meðal helstu markaða fyrir loðnuafurðir og aðrar uppsjávarafurðir og sérhæfir Síldarvinnslan sig á því sviði.
Við innrásina í Úkraínu tók hins vegar gengi bréfa Brims að hækka. Verð á þorski, ýsu og ufsa hefur hækkað mikið ekki síst í kjölfar bann við innflutningi rússneskra sjávarafurða til Bandaríkjanna, Bretlands og Evrópusambandsins, en Brim hefur töluverðar veiðiheimildir í þessum tegundum.
Á tímabilinu hefur markaðsvirði Iceland Seafood International lækkað um 21,5% eða rúma 9 milljarða króna. Heildarvirði bréfa félagsins var við lokun markaða í gær 31,7 milljarðar króna.
Mál hjúkrunarfræðingsins fer aftur fyrir héraðsdóm
Banna mengandi búnað sem leyfður er á Íslandi
Skaut sex sinnum að feðginum á aðfangadagskvöld
/frimg/1/48/74/1487454.jpg)
Heldur inn í nóttina tuttugu kílóum léttari
Kaldasti veturinn kom að óvörum
Frambjóðendur skila inn listum í Hörpu
Kostnaður meiri en milljón á fermetra