Makrílvinnslan fer vel af stað

Jón Gunnar Sigurjónsson, yfirverkstjóri í fiskiðjuveri Síldarvinnslunnar, segir að vinnslan á makrílvertíðinni hafi farið vel af stað, en nú eru tvö Síldarvinnsluskipanna, Beitir NK og Barði NK, að veiðum í Smugunni. 

Allt tilbúið fyrir vinnslu

„Það gekk bara vel að starta þessu hjá okkur. Börkur kom í gær með 750 tonn og við lukum við að vinna úr honum í morgun. Fiskurinn er hefðbundinn Smugufiskur eins og hann er á þessum árstíma,“ segir Jón Gunnar á vef Síldarvinnslunnar og bætir við að rúm 1000 tonn af fiski séu væntanleg í húsið klukkan þrjú í dag þegar búið er að þrífa.  

„Við byrjum vertíðina á tvískiptum vöktum en nú er að bætast í mannskapinn og eftir helgina verða þrískiptar vaktir. Það er bara vonandi að veiðin gangi vel svo vinnslan geti verið sem samfelldust.“

• Blogga um frétt