Óhætt er að segja að aukin umsvif fiskeldisfyrirtækja hafi reynst mikil vítamínsprauta fyrir samfélagið á Vestfjörðum. Sigríður Ólöf Kristjánsdóttir, framkvæmdastjóri Vestfjarðastofu, segir nú svo komið að vöntun á innviðum sé farin að standa frekari vexti fiskeldisins, og atvinnulífsins á svæðinu almennt, fyrir þrifum.

Bendir hún á að víða á Vestfjörðum sé mikill skortur á íbúðarhúsnæði, bæta þurfi vegasamgöngur innan atvinnusvæða, leikskóla- og skólapláss skorti og framboð af raforku nægi ekki til að ráða við væntanleg orkuskipti.

Töluverð atvinnuuppbygging hefur átt sér stað á Vestfjörðum undanfarin ár. mbl.is/Ágúst Ingi Jónsson

Stjórnvöld hafa, að hluta til, svarað kalli Vestfirðinga um betri samgöngur, en betur má ef duga skal og segir Sigríður augljóst að tíðar lokanir vega að vetri til þýði að erfiðara er bæði að koma vöru á markað og fyrir starfsfólk að komast til vinnu sinnar. „Á árunum 2018 til 2020 voru skráð 990 tilvik þar sem aðalvegur á Vestfjörðum lokaðist vegna slæmrar færðar. Það gerir að jafnaði 330 tilvik, sem dreifast yfir fimm mánaða tímabil ár hvert og jafngildir því að yfir vetrarmánuðina megi vænta þess dag hvern að tveir aðalvegir séu ekki opnir,“ segir Sigríður.

Nánar má lesa um málið í desemberútgáfu 200 mílna.

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir