Leif Inge Nordhammer, fyrrverandi forstjóri SalMar og stjórnarmaður í fyrirtækinu, tekur við sem stjórnarmaður Arnarlax á aðalfundi félagsins sem haldinn verður í dag. Þá tekur stofnandi SalMar, stærsti eigandi og stjórnarformaður fyrirtækisins, Gustav Witzøe, sæti í stjórninni.

Kjartan Ólafsson framkvæmdastjóri, sem verið hefur stjórnarformaður í Arnarlax nánast frá upphafi starfseminnar, verður áfram í stjórn en nú sem almennur stjórnarmaður. Aðrir í stjórn verða Ulrik Steinvik og Espen Weyergang Marcussen. Kemur þetta fram í fundarboði sem sent hefur verið út.

Arnarlax er stærsta laxeldisfyrirtæki landsins. Það er með sjóeldi í Arnarfirði og fleiri fjörðum Vestfjarða, laxavinnslu á Bíldudal og seiðastöðvar á Suðurlandi.

SalMar er norskt fiskeldisfyrirtæki og einn af stærstu laxaframleiðendum heims. Það á meirihluta hlutafjár í Arnarlaxi.

Tengdar fréttir

Fiskeldi

Akureyringar taka ekki afstöðu

• Lagareldisfrumvarpið ekki lagt fram
• Þróa aðferð til framleiðslu á geldlaxi
• Stórfellt laxeldi áformað
• Stýrir sölu- og markaðsmálum First Water

» Fleiri tengdar fréttir