Vonar að mótmælandinn nái að „halda nógu lengi út“
Setja bókamerki
/frimg/1/57/62/1576201.jpg)
Elissa Biou, mótmælandi sem hefur læst sig í mastri hvalveiðiskips við Reykjavíkurhöfn, er sjálfboðaliði hjá Bretlandsdeild Paul Watson-samtakanna. Hún er hér á vegum Paiakan-verkefnis samtakanna.
Frá þessu segir Imogen Sawyer, samhæfingarstjóri hjá samtökunum, við blaðamann mbl.is. Hún segir að mótmæli Elissu séu þó ekki á vegum samtakanna.
Í meðfylgjandi myndskeiði má sjá lögreglumann, sem er búinn að klifra upp mastrið, ræða við mótmælandann.
„Við erum hér á Íslandi vegna Paiakan-verkefnisins til þess að skrásetja hvalveiðar hér og til að halda til haga hvað sé gert við hvalina eftir að þeir eru veiddir,“ segir Sawyer.
Tekur hún sem dæmi að kannað sé hversu mörgum skutlum hafi verið skotið í dýrin, hvar þeir hafi lent í þeim og hvort kýrnar hafi verið ófrískar.
„Í grunninn það sem MAST á að vera að gera, en við höfum gert frá árinu 2018,“ segir Sawyer.
Vonar að Svandís endurskoði
„Von mín er að Elissa nái að halda nógu lengi út þarna til þess að skapa umræðu á Íslandi til þess að Svandís muni endurhugsa ákvörðun sína um að leyfa hvalveiðar aftur,“ segir Sawyer.
Hún bendir á að það rétta sem Svandís eigi að gera sé að fara eftir þeim skýrslum sem henni hafi verið afhent síðustu mánuði sem segi að hvalveiðar verði að taka enda.
„Sérfræðingar um dýravernd voru mjög skýrir um það hversu slæmt það er að drepa hvali. Við erum því mjög vonsvikin með ákvörðun Svandísar. Við sjáum að hún er kannski að sýna kænsku en það er ekki í lagi að fórna þessum hvölum til þess að hún geti haldið áfram pólitískum leik sínum.“
Sami þvotturinn lenti í bruna hjá Björg og Fönn
Trump biður Ísraelsmenn um að sýna stillingu
„Ástandið er eldfimt, óstöðugt og stórhættulegt“
„Þetta eru alvarlegar ásakanir“
Óvíst um öflun frekari gagna í Gufunesmáli
Mögulegt að svörin liggi meðal íslensks samfélags
Íran og Ísrael skiptast á ásökunum um árásir
Tæpir 13 milljarðar í fjárstyrki á sex árum