„Eldgosinu er lokið,“ segir Þorvaldur Þórðarson eldfjallafræðingur og prófessor við Háskóla Íslands. Síðast sást glóð í eldgígnum í Meradölum á sunnudag um þar síðustu helgi, það er 21. ágúst. Þá hafði gosið staðið í átján daga.

„Mælar sýna engan óróa nú. Hraunflæði hefur stöðvast og gasútstreymis verður ekki lengur vart. Áfram er þó og verður mikill hiti í kjarna hraunsins og undir yfirborðinu. Því mætti lýsa yfir goslokum nú en slíkt er hlutverk Veðurstofu Íslands,“ segir Þorvaldur.

Frétt af mbl.is

„Algjört smágos“ ef það hefst ekki að nýju

Rúmmál hrauns í Meradalagosinu er talið 11 milljónir rúmmetra og nær yfir 1,2 ferkílómetra, samkvæmt því sem Jarðvísindastofnun HÍ hefur gefið út. 

Lesa má nánar um málið í Morgunblaðinu í dag.