Birgitta Líf Björnsdóttir klæddist Fendi-kjól þegar hún hélt upp á afmæli sitt á skemmtistaðnum Bankastræti Club í miðbæ Reykjavíkur í gærkvöldi. Birgitta er eigandi staðarins en einnig markaðsstjóri World Class og raunveruleikastjarna í þáttunum LXS. 

Kjóllinn sem Birgitta klæddist er úr samstarfslínu Fendi og Skims, en Skims er í eigu raunveruleikastjörnunnar Kim Kardashian. Línan kom út á síðasta ári og kom í takmörkuðu upplagi.

Frétt af mbl.is

Kampavínið flæddi í þrítugsafmæli Birgittu Lífar

Bleiki kjóllinn sem Birgitta klæddist er með stuttum ermum og rúllukraga. Öll línan er uppseld í verslunum en hægt er að finna kjólinn á endursölusíðum fyrir notaðar tískuvörur, eins og til dæmis á Vestiaire Collective og Luxury Snob en þar kostar hann á bilinu 750 þúsund til 1.700 bandaríkjadali, sem eru um 100 til 250 þúsund krónur á gengi dagsins í dag. 

Frétt af mbl.is

Í þessum glæsifötum týnist enginn

Birgitta festi kaup á kjólnum í fyrra þegar hún fór til Lundúna. Hún geymdi kjólinn í tæplega ár til að geta klæðst honum í 30 ára afmælinu sínu. 

Frétt af mbl.is

Birgitta og Sunneva í skvísuferð

Birgitta Líf Björnsdóttir klæddist bleikum kjól úr samstarfslínu Fendi og Skims. Samsett mynd

Hér er Kim Kardashian í fötum úr línunni.

Hér má sjá gínur í fötum frá Skims x Fendi í Galeries Lafayette í París en línan kom í verslanir í byrjun nóvember í fyrra. mbl.is/Marta María Winkel Jónasdóttir