Stórleikarinn Michael Caine segist vera hættur í leiklist. Caine, sem fagnaði níræðisafmæli sínu í mars, greindi frá þessu í viðtali við breska ríkisútvarpið fyrir helgi. Leikarinn bætti þó við að maður ætti kannski aldrei að segja aldrei.

Caine hefur lengi verið ein skærasta stjarna Hollywood en ferill hans hófst fyrir alvöru árið 1966 í myndinni Alfie. Meðal hans eftirminnilegu mynda eru Hannah and Her Sisters, The Cider House Rules, Dirty Rotten Scoundrels og The Dark Knight-þríleikurinn. 

Caine hefur hlotið fjölda verðlauna á ferli sínum og má þar nefna Bafta, Golden Globe og Óskarsverðlaunin.