Breski spjallþáttastjórnandinn John Oliver var gestur Andy Cohen í viðtalsþætti hans á þriðjudag. Meðal umfjöllunarefna var breska konungsfjölskyldan og hvarf Katrínar, prinsessu af Wales, úr sviðsljósinu.

„Ég var búinn að missa allan áhuga á umræðunni,“ sagði Oliver sem viðurkenndi að myndamálið, hið svokallaða „KateGate“, hafi sogað sig inn í hringiðuna á ný. 

Frétt af mbl.is

Hvar er Katrín?

Ekki komið fram opinberlega

Ýmsar kenningar hafa sprottið upp síðastliðnar vikur, allt frá því að hún sé listamaðurinn Banksy, hafi látist stuttu eftir aðgerðina, sé að jafna sig eftir brasilíska rasslyftingu til óléttu hjákonu Vilhjálms.

Katrín hefur ekki komið fram opinberlega frá því hún gekkst undir kviðholsaðgerð í Lundúnum þann 16. janúar.

Katrín og eiginmaður hennar, Vilhjálmur Bretaprins, sáust saman á mynd á mánudag. Eftir að myndin birtist, af hjónunum í bíl saman, spruttu upp kenningar um að átt hefði verið við myndina eins og gert var við mynd af Katrínu og börnum hennar um helgina.

Frétt af mbl.is

Spurningarmerki sett við nýja mynd af Katrínu

Weekend at Bernie's

Oliver, sem er þekktur fyrir svartan húmor, hélt ekki aftur af sér og sagði málið vera orðið að farsa, en hann líkti því við klassísku grínmyndina Weekend at Bernie's. 

„Ég er ekki að segja að hún sé dáin en það er möguleiki þar til annað er sýnt og sannað.“