Milljón í skuldir á sekúndu

Breska fjármálaráðuneytið.
Breska fjármálaráðuneytið.

Skuldir breska þjóðarbúsins aukast á hverri sekúndu um rúm 6.000 pund, eða sem svarar um 1.200 þúsund krónum. Skuldirnar hafa rofið 800 milljarða punda múrinn en það svarar til um 161.000 milljarða króna. Þær hafa aldrei verið jafn miklar.

Skuldir ríkisins sem hlutfall af vergri þjóðarframleiðslu eru nú komnar í 57,5% og aukast hratt, að því er fram kemur á fréttavef breska dagblaðsins Times.

Segir þar að vaxtagreiðslur af skuldabagganum séu um 30 milljarðar punda á ári sem jafngildi um 500 pundum, rétt rúmlega 100.000 krónum, á hvern Breta.

Til að bæta gráu ofan á svart drógust skatttekjur í síðasta mánuði saman um 9% miðað við sama tíma í fyrra, á sama tíma og útgjöld jukust um 3%.

Blaðið hefur eftir John Hawksworth, hagfræðingi hjá PricewaterhouseCoopers, að útlit sé fyrir að halli á breska ríkissjóðnum verði meiri en spáð var á næstu árum. Það þýðir að óbreyttu að skuldahalinn á eftir að lengjast enn og nálgast 200.000 milljarða króna.

Vitnað er til þeirrar áætlunar greiningardeildar tímaritsins Economist að ríki heims hafi samanlagt steypt sér í 35 billjón punda skuldir en það jafngildir um 7.070 billjónum króna. Hver billjón er 1.000 milljarðar og upphæðin því stjarnfræðileg.

Breska stjórnin hyggst reyna að stoppa upp í gatið með ýmsu móti, svo sem með því að hækka álögur á eldsneyti og söluskatt.

Alistair Darling fjármálaráðherra með fjárlögin í töskunni frægu. Breski ríkiskassinn ...
Alistair Darling fjármálaráðherra með fjárlögin í töskunni frægu. Breski ríkiskassinn er galtómur.
mbl.is

Bloggað um fréttina

Frá Sýrlandi til Evrópu - Greinaflokkur

Girðingarnet
Eigum til gott og ódýrt 6 strengja girðingarnet. Tilvalið fyrir sumahúsið. ww...
fjórir stálstál-stólar nýtt áklæði.þessir gömlu góðu sími 869-2798
er með fjóra nýklædda stálstóla þessa gömlu góðu á 40,000 kr sími 869-2798...
KRISTALS LJÓSAKRÓNUR Útsala er að byrja
Glæsilegar kristalsljósakrónur í falleg heimili. Handskornar kristalsljósakrónu...
 
Félagsstarf aldraðra
Staður og stund
Aflagrandi 40 Opin vinnustofa kl. 9, jóg...
Breytt deiliskipulag arnarfelli
Fundir - mannfagnaðir
Auglýsing Breytt deiliskipulag að ...
Háseti
Sjávarútvegur
Háseti Vísir hf óskar eftir að...
Lausafjáruppboð
Nauðungarsala
Lausafjáruppboð Einnig birt á www.naud...