Árás í Xinjiang-héraði

Kona af Uighur-ættum gengur fram hjá vopnuðum kínverskum lögreglumönnumí borginni ...
Kona af Uighur-ættum gengur fram hjá vopnuðum kínverskum lögreglumönnumí borginni Urumqi. DAVID GRAY

Fimmtán manns liggja í valnum og fjórtán til viðbótar eru særðir eftir það sem kínverskir ríkisfjölmiðlar kalla hryðjuverkaárás í Xinjiang-héraði. Meirihluti íbúa á svæðinu eru múslímar en hreyfing aðskilnaðarsinna vill að héraðið verði sjálfstætt ríki.

Í Xinjiang býr fólk af þjóðarbroti Uighur-manna sem eru menningarlega frábrugðnir meirihluta Kínverja sem eru af Han-ætt. Þeir eru að mestu leyti múslímar og tala tungumál sem kemur af tyrkneskri rót. Aðskilnaðarsinnar í Xinjiang, þar á meðal herskáir íslamistar, fýsa þess að stofna sitt eigið ríki, Austur-Túrkestan. Hefur fjöldi árása verið gerður þar en mikil spenna ríkir á milli ólíkra þjóðarbrotanna.

Kínverskir fjölmiðlar segja hryðjuverkamennina hafa ráðist á óbreytta borgara í verslunargötu í Shache-sýslu um miðjan dag í gær með hnífum og sprengjum. Þeir haf vegið fjóra þeirra en sært fjórtán aðra. Ellefu hryðjuverkamenn hafi verið skotnir í átökum við öryggissveitir.

Stjórnvöld í Beijing hafa undanfarið tekið harðar á óróa í Xinjiang. Hafa tugir manna verið teknir af lífi og hundruð meintra hryðjuverkamanna verið handteknir og dæmdir.

mbl.is
Til sölu kvk Hjól
2 ára kvk reiðhjól með háu stýri.Comfort style eins og nýtt. Keypt hjá Erninum....
Uppsetning rafhleðslustöðva
Setjum upp og göngum frá öllum gerðum rafhleðslustöðva Mikil áralöng reynsla ...
Vel með farinn Golfbíll til sölu á kr. 400.00
Bíllinn er með nýjum rafgeimum og mjög vel með farinn að öllu leiti. upplýsing...
Jema A/S danskar skæralyftur
Við seljum hinar vinsælu skæralyftur frá JEMA . Lyfta 1,2 m og 3 T ,glussadrifn...