Stjórnvöld í Ekvador lokuðu á netið
Setja bókamerki
Stjórnvöld í Ekvador segjast hafa lokað á netaðgang Julians Assange, stofnanda WikiLeaks, sem dvelur í sendiráði Ekvadors í London.
Ástæðuna segja þau vera leka sem gæti haft áhrif á kosningarnar í Bandaríkjunum. WikiLeaks hefur á undanförnum vikum birt tölvupósta frá kosningaherferð forsetaframbjóðandans Hillary Clinton.
„Stjórnvöld í Ekvador vilja ekki skipta sér af alþjóðamálum annarra ríkja. Þau skipta sér ekki af kosningaferli annarra ríkja og styðja ekki einn frambjóðanda umfram annan,“ sagði í yfirlýsingu frá utanríkisráðuneyti Ekvador.
Í framhaldinu sagðist það hafa lokað tímabundið á samskiptaleiðir hjá sendiráðinu.
Þau neituðu því einnig að Bandaríkin hefðu beitt þau þrýstingi um að loka netaðgangi Assange.
Bandarísk stjórnvöld höfðu áður neitað ásökunum Wikileaks um að þau hafi farið þess á leit við yfirvöld í Ekvador að þau neituðu Assange um aðgengið.
Frétt mbl.is: Neita aðild að netleysi Assange
Wikileaks héldu því fram á mánudag að Assange hefði verið sviptur aðgangi að netinu eftir að samtökin birtu ræður sem Clinton hélt fyrir fjármálafyrirtækið Goldman Sachs.
„Höfum ekki náð að skríða upp úr þeirri gryfju“
Skiptir miklu meira máli en fólk grunar
„Hvílir mikil leynd yfir þessu öllu“
Vélsleðaslys: Þyrlan kölluð út á mesta forgangi
Gígbarmurinn hækkað frá því í gær
Krefjast stöðvunar framkvæmda
Shakespeare fannst í skókassa