Ferðabannið verði þyngt

Donald Trump er harðákveðinn í að þyngja ferðabannið.
Donald Trump er harðákveðinn í að þyngja ferðabannið. AFP

Donald Trump Bandaríkjaforseti fór mikinn á Twitter í morgun og kallaði eftir að ferðabannið sem var sett fyrr á árinu verði þyngt og óskaði eftir áheyrn um áformin fyrir hæstarétti. Hann segir dómstóla seinvirka og pólitíska.

Í morgun skrifaði Trump á Twitter að Bandaríkin væru nú þegar að skima ferðamenn ítarlega til að gæta þjóðaröryggis. „Dómsmálaráðuneytið hefði átt að halda sig við upphaflega ferðabannið, ekki hina útfærsluna sem var útþynnt en pólitískt rétt,“ skrifaði Trump. „Dómsmálaráðuneytið ætti að óska eftir skjótri áheyrn fyrir hæstarétti og biðja um þyngra bann.“

Hann skrifaði enn fremur:

„Hvað sem því líður erum við að skima ítarlega fólk sem kemur til Bandaríkjanna til að varðveita öryggi landsins. Réttarkerfið er seinvirkt og pólitískt!"

Trump setti ferðabannið í janúar með tilskipun sem fól í sér ferðabann á fólk frá sjö löndum til Bandaríkjanna í 90 daga og frestaði flóttamannastefnu landsins um 120 daga. Stjórnvöld héldu því fram að ferðabannið væri nauðsynlegt til að meta skimunferlana og hanna nýja en skömmu síðar var tilskipunin stöðvuð af dómstólum. 

Í mars kom ný tilskipun sem tók til greina athugasemdir dómaranna. Írak var tekið af listanum og bann við sýrlenskum flóttamönnum í ótiltekinn tíma fjarlægt. 

mbl.is

Bloggað um fréttina

Frá Sýrlandi til Evrópu - Greinaflokkur

Útsala
Bókaútsala Mikið magn bóka á 500 kr. stk. Aðrar bækur með 25% afslætti Hjá Þorva...
INTENSIVE ICELANDIC, ENGLISH & NORWEGIAN f. foreigners - ÍSLENSKA f.útl - ENSKA - NORSKA
START/BYRJA: 2018: 5/2, 5/3, 2/4, 30/4, 28/5, 25/6 - (HOLIDAY/FRÍ: 18/7-21/8) 3...
Sundföt
...
Sumarbústaðalóðir til sölu í Vaðnesi
Til sölu fallegar sumarhúsalóðir með aðgangi að heitu og köldu vatni í vinsælu s...
 
Félagsstarf
Staður og stund
Aflagrandi 40 Opin vinnustofa frá kl. 9,...
Breytt deiliskipulag arnarfelli
Fundir - mannfagnaðir
Auglýsing Breytt deiliskipulag að ...
Skattadagurinn
Fundir - mannfagnaðir
SKATTADAGUR FLE Ráðstefna um skattam...
Endurskoðun aðalskipulags
Tilkynningar
Endurskoðun aðalskipulags Akraness Alm...