Árásarmaðurinn í London ákærður

Breski sendiferðabílstjórinn sem keyrði inn í hóp múslíma skammt frá Finsbury Park-moskunni í London var í dag ákærður fyrir hryðjuverk, morð og morðtilraun.  

Darren Osborne, 47 ára, verður leiddur fyrir dómara síðar í dag þar sem ákæran verður lesin yfir honum. Einn lést í árásinni aðfaranótt mánudags og 11 særðust. Banamein Makram Ali, 51 árs, voru fjöláverkar sem hann varð fyrir þegar sendibílnum var ekið yfir hann. Ali hafði hnigið niður á gangstéttinni vegna fótameiðsla og var fólkið að stumra yfir honum þegar árásin var gerð. Fólkið var að koma frá kvöldbæn í moskunni.

Ali kom til Bretlands frá Bangladess þegar hann var tíu ára gamall. Hann var kvæntur og sex barna faðir. Árásin er sú fjórða í Bretlandi á þremur mánuðum en alls hafa 36 látist í þeim og yfir 200 særst.

mbl.is
Íbúð óskast til leigu
Óska eftir lítilli 2 herbergja eða rúmgóðri stúdíóíbúð á Reykjavíkursvæðinu hels...
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...
KRISTALS LJÓSAKRÓNUR Útsala er að byrja
Glæsilegar kristalsljósakrónur í falleg heimili. Handskornar kristalsljósakrónu...