Stjórnvöld í Kólumbíu ætla að bjóða Luisu Ortega, sem var rekin sem ríkissaksóknari Venesúela, hæli í landinu ef hún óskar eftir því.
Ortega flúði til Kólumbíu eftir að hafa gagnrýnt Nicolas Maduro, forseta Venesúela, harðlega.
„Luisa Ortega er undir verndarvæng kólumbísku ríkisstjórnarinnar. Ef hún óskar eftir hæli munum við veita henni það,“ sagði Juan Manuel Santos, forseti Kólumbíu, á Twitter.
La fiscal Luisa Ortega se encuentra bajo protección del gobierno colombiano. Si pide asilo se lo otorgaremos.
— Juan Manuel Santos (@JuanManSantos) August 21, 2017
Starfsmenn innflytjendastofnunar Kólumbíu sögðu að Ortega hafi komið til landsins á föstudaginn með eiginmanni sínum, þingmanninum German Ferrer, með einkaflugvél frá eyjunni Aruba í Karíbahafi.
Hæstiréttur Venesúela hefur gefið út handtökuskipun á hendur Ferrer.