Alls hafa 29 manns látið lífið í skógareldum sem brenna enn í Kaliforníu. Þá hafa fjölmargir slasast, margra er enn saknað og yfir tvö þúsund mannvirki hafa brunnið. Hundruðir svefnlausra slökkvliðsmanna eru eru að störfum við að slökkva eldana sem brenna stjórnlaust og hafa dreift úr sér. 

Eldarnir hafa brunnið frá því á aðfaranótt mánudags en í fyrradag lýsti ríkisstjóri fylkisins yfir neyðarástandi. 

Frétt mbl.is: Neyðarástandi lýst yfir í Kali­forn­íu

Ekkert riddaralið á leiðinni

Skógareldarnir hafa gjöreyðilagt stór landsvæði í vínhéröðum Kalíforníu og brenna enn á yfir tuttugu svæðum í fylkinu. Í frétt New York Times segir að eldarnir séu enn að breiða úr sér og að slökkviliðsstarf sé hvergi nærri því að hemja útbreiðslu þeirra. „Ég vildi óska að ég gæti sagt að riddaraliðið væri á leiðinni en svo er ekki,“ er haft eftir slökkviliðsstjóra. 

Bambi AFP

Hefja leit í öskunum

Yfirvöld í Norður Kalíforníu hafa lýst því yfir að leit sé hafin af líkum í öskunni á þeim svæðum sem skógareldarnir hafa farið yfir. Af þeim 29 sem hafa fundist voru fimmtán í Sonoma, átta í Mendocino, fjórir í Yuba og tveir í Napa. „Hingað til höfum við bæði fundið heilleg lík en einnig ösku og bein,“ var haft eftir lögreglustjóra í Sonoma sýslu sem á fyrir höndum erfitt verkefni við að einkenna lík að því er fram kemur í frétt LA Times. 

Á kortinu hér að neðan má sjá hvar skógareldarnir brenna.

Tengdar fréttir

Skógareldar í Kaliforníu 2017

Þriðju stærstu eldar frá upphafi

• Slökkviliðsmaður lést í baráttu við gróðureldana
• Illa gengur að ná tökum á eldinum
• Stærra en New York
• Varð að yfirgefa heimili sitt

» Fleiri tengdar fréttir

• Blogga um frétt