Játar að hafa bútað lík Kim Wall í sundur

Peter Madsen
Peter Madsen AFP

Peter Madsen hefur breytt vitnisburði sínum og játað að hann hafi farið ósæmilega með lík blaðamanns Kim Wall. Lík hennar fannst í lok ágústmánaðar við Amager-strönd í Kaupmannahöfn en höfuð, hendur og fætur hennar höfðu vísvitandi verið skornir af líkinu. Politiken greinir frá.

Í nýlegum yfirheyslum sagði Peter Madsen að sænski blaðamaðurinn Kim Wall hefði látist úr Kolmónoxíðeitrun en áður hafði hann sagt lögreglu að hún hefði fengið lúgu í höfuðið og hann hefði í sjálfsvígssturlun ákveðið að sökkva kafbátnum. 

Madsen hefur verið ákætur fyrir morð á Kim Wall en hann er jafnframt sagðir hafa bútað lík hennar niður í hluta og hent því í sjóinn. Nú hefur hann viðurkennt að hann hafi farið ósæmilega með líkið en neitar því enn að hafa orðið Wall að bana. 

Hann hefur einnig verið ákærður fyrir að hafa beitt Kim Wall kynferðislegu ofbeldi en fjórtán stungusár fundust í kringum kynfæri hennar. Madsen neitar þeim ásökunum. 

Sænski blaðamaðurinn Kim Wall.
Sænski blaðamaðurinn Kim Wall. AFP

Ákveðið hefur verið að réttarhöld yfir Madsen hefjist þann 8. mars næstkomandi en gert er ráð fyrir að réttarhöldin standi yfir til 25. apríl í síðasta lagi. Lögreglan í Kaupmannahöfn hefur boðað til blaðamannafundar síðar í dag þar sem nánar verður greint frá framvindu mála. 

Samkvæmt saksóknaranum Jakob Buch-Jaspe er málið enn til rannsóknar en hann gerir ráð fyrir að rannsókn verð lokið fyrir árslok. Meðal þeirra gagna sem ekki liggja fyrir eru farmsími Peter Madsen sem enn hefur ekki fundist. Þá hafa handleggir Kim wall ekki heldur fundist og íhugar lögregla því að fara í frekari leitaraðgerðir til að leita af hlutum í Køge flóa. 

mbl.is
Eldtraustur skjalaskápur
Eldtraustur skjalaskápur / öryggisskápur frá Rosengrens með 4 útdraganlegum skúf...
Dyrasímar - Raflagnir
Dyrasímaþjónusta, geri við eldri kerfi og set upp ný, fljót og góð þjónusta Sí...
Sendiráð óskar eftir fullbúinni íbúð
Við erum með sendiráð sem vantar íbúð í 12 mánuði, frá 1. mars. Íbúðin þarf að v...
 
Aðalskipulag
Tilkynningar
Breyting á Aðalskipulagi Dala...
Vélavörður
Sjávarútvegur
Vélavörður Vísir hf. óska...
Eldri borgarar
Staður og stund
Aflagrandi 40 Opin vinnustofa kl. 9, for...
Fulltrúaráðsfundur
Fundir - mannfagnaðir
Vörður - fulltrúaráð sjálfstæðisf...