Sló konu fimm sinnum í rassinn

Konan var á leið upp í íbúðina sína er maðurinn ...
Konan var á leið upp í íbúðina sína er maðurinn sló hana.

Jessi Ratu var að koma úr morgunskokkinu og stóð við dyrabjöllurnar heima hjá sér í fjölbýlishúsi í Queensland er ókunnugur maður gekk upp að henni og sló hana fimm sinnum í rassinn. „Hann sagði eitthvað í þá veru að hann hefði ekki getað hamið sig, ég væri með svo flottan rass,“ segir Ratu sem segist miður sín yfir atvikinu og hafi ekki áhuga á að búa lengur í húsinu.

Árásin þykir gott dæmi um þá kynferðislegu áreitni og ofbeldi sem konur verða fyrir daglega hvar sem er í heiminum.

„Ég var að koma úr morgunskokkinu er ég sá þennan mann nálgast. Ég hugsaði ekki meira um það en hann virtist eitthvað villtur,“ segir Ratu í samtali við fréttasíðuna News.com.au. Hún var enn með heyrnartól á höfðinu og áttaði sig ekki á því fyrr en of seint að maðurinn var kominn óþægilega nálægt henni. Hún sagðist hafa orðið óttaslegin. Hann hafi svo slegið hana snöggt fimm sinnum á rassinn, sagt hin óviðurkvæmilegu orð og svo farið. Ratu sagðist hafa sagt manninum að láta sig í friði. Hún flýti sér svo inn í íbúð sína þar sem eiginmaður hennar og tvö börn þeirra biðu hennar.

„Ég var alveg miður mín og fór að gráta,“ segir hún. Eiginmaðurinn hljóp út til að leita mannsins en hann var þá horfinn á braut. Hann hringdi því strax í lögregluna og Ratu lagði fram kæru á hendur manninum. 

Vildi bara komast í burtu

Ratu segist hafa verið gagnrýnd fyrir að hafa látið þessa hegðun mannsins yfir sig ganga. Hún segist hins vegar hafa verið svo furðulostin og óviðbúin að það hafi ekki hvarflað að henni á því augnabliki. „Ég var í nokkrar sekúndur að átta mig á því hvað hafði gerst og þegar ég hafði gert það vildi ég komast í burtu frá honum.“

Lögreglan segist líta málið alvarlegum augum. Borgararnir eigi að geta verið öryggir í hverfunum sínum. „Sem betur fer eru svona árásir úti á götum sjaldgæfar,“ sagði lögreglumaðurinn Brendan Wiblen í samtali við 9 News.

Lögreglan leitar enn mannsins og hefur m.a. birt myndir úr öryggismyndavélum þar sem sjá má árásina.

Margir ástralskir fjölmiðlar hafa birt myndina.

Frétt Daily Telegraph í Ástralíu.

mbl.is
Höfuðverkur, endalaus þreyta, svefnleysi
Er með til leigu OZONE lofthreinsitæki ( margir kalla þetta JÓNAR tæki ). Eyði...
Hornborð til sölu ódýrt.
Hornborð 65x65 cm. Hæð 45 cm. Vel með farið kr. 900.- Er í Garðabæ s: 8691204...
Til sölu 16" álfelgur og snjódekk
Felgurnar eru original Mitsubishi 16", gatadeiling 108x5. Dekkin eru Firestone ...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...