Nauðgaði og myrti sjö ára stúlku

Ung stúlka viðstödd minningarathöfn um átta ára stúlku sem var ...
Ung stúlka viðstödd minningarathöfn um átta ára stúlku sem var nauðgað og myrt í janúar. AFP

Lík sjö ára stúlku sem hafði verið nauðgað og hún síðan kyrkt fannst á byggingarlóð í Uttar Pradesh-ríki á Indlandi í dag. Undanfarna daga hafa verið haldin fjölmenn mótmæli vegna hópnauðgunar og morðs á átta ára stúlku í öðru ríki landsins. Enn virðist alda sambærilegra ofbeldisverka því ganga yfir Indland.

Stúlkunnar sem fannst látin í dag hafði verið saknað í nokkrar klukkustundir úr brúðkaupsveislu sem hún sótti. Lögreglan segir að nágranni sem hafi verið að setja upp tjöld vegna brúðkaupsins sé nú í haldi grunaður um að hafa lokkað stúlkuna inn í yfirgefna byggingu. 

Almenningur á Indlandi vill að stjórnvöld taki fastar á nauðgunarfaraldri ...
Almenningur á Indlandi vill að stjórnvöld taki fastar á nauðgunarfaraldri í landinu. AFP

Lögreglustjórinn Akhilesh Chaurasia segir að hinn grunaði hafi flúið af vettvangi en verið handsamaður stuttu síðar. „Við höfum ákært hann fyrir að hafa nauðgað og myrt barnið. Við erum að bíða niðurstöðu krufningar en frumniðurstöður sýna að hún var kyrkt.“

Þrýst hefur verið á stjórnvöld og lögregluyfirvöld að taka harðar á glæpum sem þessum, m.a. eftir að hin átta ára gamla stúlka í Jammu- og Kashmir-ríki var myrt í janúar. Aðeins nýverið voru hins vegar birtar nákvæmar upplýsingar um að henni hefði verið nauðgað. Lögregla segir að stúlkunni hafi verið byrluð ólyfjan og nauðgað dögum saman í hindúahofi áður en hún hafi verið barin til bana. Átta karlmenn hafa verið handteknir, grunaðir um verknaðinn.

Stúlkan var múslimi en árásarmennirnir hindúar. Lögreglan segir að þeir hafi ráðist á stúlkuna til að hrekja múslima frá svæðinu þar sem flestir íbúarnir eru hindúar. 

Tveir ráðherrar ríkisins sögðu af sér eftir að hafa sótt fund til varnar mönnunum átta. 

Fjölmenn mótmæli í Kasmír vegna nauðgana á Indlandi.
Fjölmenn mótmæli í Kasmír vegna nauðgana á Indlandi. AFP

Fleiri mál af þessum toga hafa valdið mikilli reiði á Indlandi. Einn úr ríkisstjórn Uttar Pradesh var handtekinn í síðustu viku, grunaður um að hafa nauðgað sautján ára stúlku. Faðir stúlkunnar lést í haldi lögreglunnar er hann hafði sótt það fast að lögreglan rannsakaði málið.

Samkvæmt skýrslu Sameinuðu þjóðanna frá árinu 2014 er eitt af hverjum þremur fórnarlömbum nauðgunar á barnsaldri. Tæplega 11 þúsund nauðganir á börnum voru tilkynntar til lögreglu á Indlandi árið 2015.

mbl.is
Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...
Nudd fyrir vellíðan og slökun
LÁTTU DEKRA VIÐ ÞIG MEÐ AFSLAPPANDI NUDDI. HEIT OLIA OG STEINAR. Allir með ...
HARMONIKKUHURÐIR SPARA MIKIÐ PLÁSS
Margar viðartegundir og litir, smíðað eftir máli. Verð frá kr. 13.900,- Sími 61...
Mitsubishi Pajero - Instyle - Árg. 2007 - ek. 172þ km - kr. 1.350.000,-
Bíllinn er með olíufíringu og led ljóskösturum. Sumar- og vetrardekk (nagladekk)...