Sýrlenski herinn fór í dag inn í suðurhluta borgarinnar Daraa en þar hafa uppreisnarhópar verið við völd í nokkur ár. Herinn hefur gert árásir á borgina og næsta nágrenni hennar í félagi við bandamenn sína Rússa síðustu vikur og hafa þúsundir lagt á flótta. 

Daraa-hérað er oft kallað vagga byltingarinnar í Sýrlandi en nú blasir sýrlenski fáninn þar við hún í fyrsta skipti í mörg ár, segir í frétt AFP-fréttastofunnar.

„Sýrlenskar herdeildir fóru inn í Daraa í dag og drógu þjóðfánann að hún á aðaltorginu,“ segir ríkisfréttastofan Sana. Í gær náðist samkomulag milli uppreisnarmannanna og stjórnarinnar sem fól meðal annars í sér að uppreisnarmenn afhenti stjórnarhernum vopn sín og að þeir geti fengið að fara í friði frá svæðinu. Samkomulagið verður framkvæmd í nokkrum þáttum og er sambærilegt við það sem gert hefur verið við uppreisnarhópa annars staðar í landinu.

Uppreisnin gegn Bashar al-Assad forseta á rætur sínar að rekja til Daraa árið 2011. Síðan stríðið braust út hafa yfir 350 þúsund Sýrlendingar fallið og milljónir þurft að yfirgefa heimili sín.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt