Alþjóðadómstóllinn (ICJ), sem er æðsti dómstóll Sameinuðu þjóðanna, hefur fyrirskipað Bandaríkjunum að draga úr refsiaðgerðum sem þarlend stjórnvöld settu á Íran í maí, að því er BBC greinir frá.

Bandarísk stjórnvöld sögðu sig frá alþjóðlegu kjarnorkusamkomulagi við Íran í vor og í ágúst tilkynnti Donald Trump Bandaríkjaforseti að hann muni fylgja refsiaðgerðum gegn Íran eftir af fullri hörku.  

Úrskurðaði dómstóllinn í dag að bandarísk yfirvöld verði að fjarlægja „allar hindranir“ á flutningi mannúðargagna til Íran, m.a. á flutningi matvæla, lyfja og öryggisbúnaðar fyrir flugvélar.

Bandarísk stjórnvöld fullyrða hins vegar að úrskurðurinn sé „ósigur“ fyrir Íran, þar sem þau heimili nú þegar flutning gagna í mannúðarskyni.

Úrskurðir Alþjóðadómstólsins eru bindandi, en dómstóllinn hefur enga möguleika á að fylgja þeim eftir.

Tengdar fréttir

Íran

Leiðtogar G7-ríkjanna funda vegna árásarinnar

• Ísland fordæmir árásina
• Skutu 300 drónum og flugskeytum
• Árásirnar í Írak og Sýrlandi bara „upphafið“
• Hyggja á röð árása í Írak og Sýrlandi

» Fleiri tengdar fréttir

• Blogga um frétt