Ætlaði að gera sjálfsvígsárás á kjördag

Ferðamaður skoðar minnismerkið um síðari heimsstyrjöldina í National Mall-garðinum í ...
Ferðamaður skoðar minnismerkið um síðari heimsstyrjöldina í National Mall-garðinum í Washington. Rosenfeld ætlaði að gera sjálfsvígsárás sína í garðinum á kjördag. AFP

Bandaríska lögreglan hefur handtekið mann sem ætlaði að sprengja sjálfan sig í loft upp í Washington er þingkosningar fara þar fram í næsta mánuði. BBC hefur eftir embætti bandaríska ríkissaksóknarans að maðurinn, Paul Rosenfeld, hafi útbúið 91 kg sprengju sem hann ætlaði að sprengja í National Mall-garðinum í höfuðborginni 6. nóvember.

Segja saksóknarar að maðurinn hafi með því vilja beina athyglinni að trú sinni á svonefnda „sortition“ eða handahófskenningu, sem byggir á því að þingmenn séu valdir af handahófi í stað þess að vera kjörnir.

Hann á allt að 20 ára dóm yfir höfði sér verði hann fundinn sekur.

Rosenfeld afsalaði sér þeim rétti sínum að tjá sig ekki um málið og hefur verið ákærður fyrir að búa til sprengju og fyrir flutning á sprengiefnum.

„Hefði honum tekist ætlunarverk sitt hefði tilræði Rosenfelds geta kostað saklausa vegfarendur lífið og valdið ómældri eyðileggingu,“ sagði William Sweeney, aðstoðarforstjóri New York-skrifstofu bandarísku alríkislögreglunnar FBI.

„Sem betur fer tókst að koma í veg fyrir ráðagerð hans með snöggu viðbragði áhyggjufullra borgara og fjölda löggæslumanna.“

Það var eftir að Rosenfeld sendi einstaklingi bréf og textaskilaboð um tilræðið sem viðkomandi hafði samband við yfirvöld og húsleit var gerð á heimili hans. FBI segir sprengjuna sem fannst á heimili Rosenberg í Tappan í New York-ríki hafa verið risastóra.

mbl.is
Kolaportið alltaf gott veður!
Góða veðrið og góða skapið er í KOLAPORTINU!...
Greinakurlari
Greinakurlari sem drifinn er með bensínmótor. Öflugur og meðfærilegur kurlari w...
Giftingar- og trúlofunarhringar frá ERNU
Mikið úrval. Á mynd er silfurpar með alexandrite-steini sem gefur mikið litaflóð...
www.flutningur.is 5753000 sendibilastöð
Allar stærðir sendibíla. Traust og góð þjónusta við fyrirtæki og einstaklinga. ...