John Bolton, þjóðaröryggisráðgjafi Bandaríkjanna, hefur varað við „umtalsverðum afleiðingum“ ef bandarískum erindrekum eða leiðtoga stjórnarandstöðunnar í Venesúela verður hótað eða þeim ógnað á einhvern hátt.
„Ofbeldi eða ógnanir gegn bandarískum erindrekum, lýðræðisleiðtoga Venesúela, Juan Guaido, eða þinginu sjálfu felur í sér alvarlega árás á laganna bókstaf og því verður svarað með umtalsverðum afleiðingum,“ skrifaði Bolton á Twitter.
Ekki kom nákvæmlega fram um við hverja hann átti en annars staðar á Twitter sagði hann bandarísk stjórnvöld vita af stuðningi Kúbu við Nicolas Maduro, forseta Venesúela.
Maduro hafnaði í dag kröfum Evrópuríkja sem fóru fram á að hann boðaði til nýrra kosninga í landinu innan átta daga.
Any violence and intimidation against U.S. diplomatic personnel, Venezuela’s democratic leader, Juan Guiado, or the National Assembly itself would represent a grave assault on the rule of law and will be met with a significant response. 2/2
— John Bolton (@AmbJohnBolton) January 27, 2019
Cuba’s support and control over Maduro’s security and paramilitary forces are well known. 1/2
— John Bolton (@AmbJohnBolton) January 27, 2019