Móðir Angelu Merkel látin

Angela Merkel, kanslari Þýskalands, með móður sinni, Herlin Kasner, árið …
Angela Merkel, kanslari Þýskalands, með móður sinni, Herlin Kasner, árið 2005. AFP

Móðir Angelu Merkel, kanslara Þýskalands, Herlind Kasner, er látin. Talsmaður þýsku ríkisstjórnarinnar greindi frá andláti hennar í dag samkvæmt frétt AFP.

Fram kemur í fréttinni að ekki hafi verið veittar nánari upplýsingar um andlátið en samkvæmt þýska dagblaðinu Bild hafi andlát Kasners borið að fyrr í þessum mánuði.

Merkel fæddist í Hamborg árið 1954 en nokkrum vikum eftir að hún fæddist flutti Kasner, sem var níræð þegar hún lést, til fyrrverandi Austur-Þýskalands með eiginmanni sínum Horst Kasner, en hann lést árið 2011.

mbl.is
Fleira áhugavert
Fleira áhugavert