Dómari í réttarhöldunum yfir Harvey Weinstein hótaði því að stinga honum í fangelsi fyrir að halda á farsímanum sínum í réttarsalnum í dag.

Frétt af mbl.is

Tvær nýjar ákærur gegn Weinstein

„Þetta hefur verið vandamál í réttarsalnum hvern einasta dag,“ sagði dómarinn James Burke, sem leyfir farsíma svo lengi sem þeim er haldið úr augsýn.

„Viltu virkilega fara í fangelsi fyrir lífstíð fyrir að senda skilaboð og brjóta þannig reglur dómstólsins?“ spurði dómarinn kvikmyndamógúlinn fyrrverandi. 

Weinstein svaraði því neitandi og kvaðst ekki hafa notað símann.

Val á kviðdómi stendur yfir í málinu og voru 120 mögulegir kviðdómarar kallaðir til í dag. Þegar dómarinn spurði hvort einhverjir þeirra hefðu þegar gert hug sinn án þess að sjá sönnunargögnin í málinu réttu tíu upp hönd. Alls voru um 40 manns látnir yfirgefa réttarsalinn þegar þeir sögðust ekki geta verið hlutlausir í málinu.

Tengdar fréttir

Kynferðisbrot í Hollywood

Ný ákæra á hendur Weinstein

• Weinstein fluttur í skyndi á sjúkrahús
• Sakar Vin Diesel um kynferðisbrot á hóteli
• Höfðar mál gegn Weinstein og Disney
• Kanna ásakanir á hendur Russell Brand

» Fleiri tengdar fréttir

• Blogga um frétt