Hvetur til stillingar við landamæri Tyrklands

Flótta­manna­stofn­un Sam­einuðu þjóðanna (UN­HCR) hvetur til stillingar við landamæri Tyrklands eftir að Tyrkir opnuðu landa­mær­in sín fyrir helgi. Af því tilefni sagði Recep Tayyip Er­dog­an, for­seti Tyrk­lands, að Evr­ópa yrði að taka ábyrgð á sín­um hluta af flótta­manna­byrðinni.

Frétt af mbl.is

Segir að Evrópa verði að taka ábyrgð

Fjölmargir flóttamenn hafa þegar haldið yfir landamæri Tyrklands til Grikklands. Flóttamannastofnunin ítrekar að stjórnvöld grípi ekki til aðgerða sem eru til þess fallnar að auka á vanda fólks sem er í slæmri stöðu fyrir.  

Frá því landamærin opnuðu höfðu um 1.200 flóttamenn farið yfir til Grikklands í gær og í morgun. Það eru mun fleiri en hafa farið þangað yfir undanfarið. Birgðir af mat, þurrum fötum og teppum eru uppurnar. Beðið er eftir frekari varningi á Lesvos, Chios og Samos í Grikklandi. 

Grikkland og önnur ríki í Evrópu mega ekki ein takast á við flóttamannastrauminn.  

Í Tyrklandi haf­ast nú þegar við um 3,6 millj­ón­ir sýr­lenskra flótta­manna en yf­ir­völd þar í landi ótt­ast að fleiri komi til lands­ins.

• 1 blogg um fréttina

Bloggað um fréttina

• Jónatan Karlsson: ISIS á flótta.