Móðir og tvö börn krömdust til dauða

Móðir og tvö börn hennar, fimm ára drengur og 15 mánaða gamalt stúlkubarn, létu lífið þegar hluti byggingar hrundi á þau í bænum Albizzate í Norður-Ítalíu. Þriðja barn móðurinnar, níu ára drengur, varð vitni að því þegar fjölskylda hans lést samkvæmt fjölmiðlum þar í landi.

Fjölskyldan var af marrókóskum uppruna og bjó í bænum Albizzate sem er staðsettur skammt frá stórborginni Mílanó. Móðirin og drengurinn létust samstundis þegar brakið féll ofan á þau en 15 mánaða gamla barnið lést á sjúkrahúsi.

Það tók björgunaraðila margar klukkustundir að grafa sig að fólkinu og ná því undan brakinu.

AFP

AFP

• Blogga um frétt