Framleiðslu á barnaefninu Hvolpasveitinni hefur ekki verið hætt þrátt fyrir ummæli fjölmiðlafulltrúa Hvíta hússins. 

Kayleigh McEnany, fjölmiðlafulltrúi Hvíta húsins, sagði að þættirnir, sem fjalla meðal annars um „lögregluhunda“ væru í hópi sjónvarpsefnis sem yrðu ekki sýndir lengur sökum útilokunarmenningar (e. cancel culture). 

Samkvæmt BBC hafa framleiðendur Hvolpasveitarinnar fullvissað aðdáendur þáttanna um að þeir séu ekki á förum, en fjölmargir sjónvarpsþættir um bandarísku lögregluna hafa verið teknir úr sýningu í kjölfar umfangsmikilla mótmæla gegn lögregluofbeldi og kynþáttafordómum vestanhafs. 

Á upplýsingafundi á föstudag sagði McEnany að Donald Trump Bandaríkjaforseti væri á móti útilokunarmenningu, þá sérstaklega þegar kemur að lögregluþjónum. „Við sjáum fyrir nokkrum vikum að Hvolpasveitin, teiknimyndaþættir um lögregluna, voru afpantaðir,“ sagði McEnany. 

Þá sagði McEnany að leikfangaframleiðandinn Lego hafði fjarlægt leikföng sín sem tengjast lögreglunni úr verslunum sínum. Forsvarsmenn Lego gáfu í kjölfarið út yfirlýsingu þar sem fram kom að engin leikföng hafi verið fjarlægð úr verslunum. 

Tengdar fréttir

Barist gegn kynþáttafordómum

Morðingi George Floyd stunginn í fangelsi

• Lögreglan í Minneapolis beiti oft of miklu valdi
• Adidas endurskoðar samstarf við Kanye West
• Fjórir ákærðir vegna andláts Breonnu Taylor
• Yfir 20 ár fyrir að brjóta gegn réttindum Floyd

» Fleiri tengdar fréttir

• Blogga um frétt